تازہ ترین

Marquee xml rss feed

GB News

مضر صحت اشیاء کے خلاف بڑے پیمانے پر کریک ڈائون ہوگا، کمشنر بلتستان

Share Button

کمشنر بلتستان ڈویژن حمزہ سالک نے کہا ہے کہ بلتستان کے چاروں اضلاع میں غیرمعیاری اور مضر صحت اشیاء کیخلاف بڑے پیمانے پر کریک ڈائون ہو گا کسی کو انسانی جانوں سے کھیلنے کی ہرگز اجازت نہیں دی جائے گی ، پنجاب فوڈ اتھارٹی کے نوٹیفکیشن کے مطابق ناقص اور مضر صحت اشیاء کیخلاف ایکشن ہو گا، بڑی مرغیاں مضر صحت ہیں ان پر پہلے پابندی ہے، ملک کے کسی کونے میں بڑی مرغیاں فروخت نہیں ہو رہیں سکردو میں ناقص اور غیرمعیاری اشیاء بیچنے کی کسی کو اجازت نہیں ہو گی۔ ان خیالات کا اظہار انہوں نے اپنے دفتر میں نمایاں کارکردگی کا مظاہرہ کرنے والے افسران اور صحافی میں سرٹیفکیٹ کی تقسیم کے موقع پر منعقدہ تقریب سے خطاب کرتے ہوئے کیا۔ انہوں نے کہا کہ عوام کی جان و مال کا تحفظ ہماری اولین ترجیح ہے عوام کے مفادات کا تحفظ ہر صورت میں ہو گا برفباری کے دوران دور افتادہ اور بالائی علاقوں میں لوگوں کو درپیش ممکنہ مسائل کے حل کیلئے انتظامیہ الرٹ ہے سڑکوں کی فوری صفائی کیلئے جگہ جگہ پر عملے تعینات ہیں ڈپٹی کمشنر کو جگہ جگہ پر کھلی کچہریاں لگا کر عوامی مسائل دریافت کرنے کی ہدایات کی گئی ہیں ہر ہفتے ڈپٹی کمشنر کھلی کچہریاں لگا کر عوامی مسائل دریافت کر رہے ہیں سکردو شہر میں بجلی بحران پر قابو پانے کیلئے دو جنریٹر لائے گئے ہیں شہر میں لوڈشیڈنگ پر کافی حد تک قابو پا لیا گیا ہے ، انہوں نے کہا کہ مثبت سوچ کے تحت آگے بڑھنے کی ضرورت ہے میڈیا کا علاقے کی تعمیروترقی میں ہمیشہ کلیدی کردار رہا ہے مقامی صحافیوں نے علاقے کی تعمیروترقی اور سیاحت کے فروغ کیلئے اہم کردار ادا کیا ہے انہوں نے کہا کہ انتظامیہ عوامی مسائل کے حل کیلئے کوشاں ہے یہ تاثر غلط ہے کہ ہم مسائل کے حل میں پہلو تہی سے کام لے رہے ہیں عوام کو درپیش مشکلات دور کی جائیں گی ہمارے دروازے عوام کیلئے ہمیشہ کھلے ہیں مسائل کے حل میں کوئی دقیقہ فروگزاشت نہیں کریں گے۔

Facebook Comments
Share Button