تازہ ترین

Marquee xml rss feed

GB News

دیامر ڈیم کے ایوارڈ میں اربوں روپے کی کرپشن کی گئی، تحریک انصاف گلگت

Share Button

پاکستان تحریک انصاف گلگت کے رہنمائوں نے کہا ہے کہ دیامر بھاشا ڈیم کے ایوار ڈ میں اربوں روپے کی کرپشن کی گئی ہے ۔ پرچیو ں پر بھرتیاں ہو رہی ہیں اور کھلے عام ٹھیکوں کی بند ر بانٹ ہو رہی ہے ۔ نیب خاموش تماشائی بنا ہوا ہے ۔ پی ٹی آئی گلگت کے رہنمائوں عاصم خان، محمد فاروق،تنویر خان، احمد خان اور دیگر نے گلگت پریس کلب میں پرہجوم پریس کانفرنس سے خطاب میں صوبائی حکومت کو آڑے ہاتھوں لیتے ہوئے کہا کہ گلگت بلتستان میں اس وقت آوے کا آوہ بگڑا ہوا ہے ۔ کر پشن اور اقرباء پروری عروج پر ہے ۔ دیامر بھاشا ڈیم میں اربوں روپے کی کرپشن کی گئی، بنجر زمینوں کو آباد ظاہر کر کے جعلی خسرے درج کئے گئے ہیں، اس مقصد کے لئے من پسند افسران اور سٹاف کو وہاں تعینات کیا گیا، انہوں نے کہا کہ میرٹ کو پامال کیا جارہا ہے اور پرچی کے زریعے سے مختلف اداروں میں بھرتیاں ہو رہی ہیں جس کی وجہ سے اہل اور قابل افراد کے ساتھ نا انصافی ہو رہی ہے ۔انہوں نے کہا کہ صوبائی ہیڈ کوارٹر گلگت میں بجلی کی لوڈ شیڈنگ کا دورانیہ 20گھنٹوں سے تجاوز کر چکا ہے ۔چوبیس گھنٹوں میں صرف دو سے تین گھنٹے بجلی آتی ہے جس کی وجہ سے زندگی کے امور بری طرح سے متاثر ہو چکے ہیں سیوریج کا نظام نہ ہونے کی وجہ سے بارش کے پانی سے سڑکیں تالاب کا منظر پیش کر رہی ہیں صوبائی حکومت کے بلندو بانگ دعوے ہوائی ثابت ہو چکے ہیں نہ تو بجلی کا نظام ٹھیک ہو ا ہے اور نہ ہی کوئی اور قسم کی تبدیلی آئی ہے۔ ایک سوال کا جواب دیتے ہوئے انہوں نے کہا کہ آرڈر 2018 ء گلگت بلتستان اسمبلی سے منظور ہونے کے بعد سپریم کورٹ آف پاکستان سے اس خطے کے متعلق فیصلہ آیا ہے ۔ پی ٹی آئی کے رہنما وزیر اعظم پاکستان سے ملاقات کر کے عوامی تحفظات سے آگاہ کریں گے انشاء اللہ گلگت بلتستان تمام آئینی حقوق ملیں گے ۔

Facebook Comments
Share Button