GB News

ملازمین کی اپ گریڈیشن کے حوالے سے رپورٹ فائنل ہوچکی، ایم ڈی نیٹکو

Share Button

ناردرن ایریاز ٹرانسپورٹ کارپوریشن کے منیجنگ ڈائریکٹر محمد عاصم ٹوانہ نے کہا ہے کہ ہمیں ملازمین کے مستقبل کو محفوظ بنانا ہے اور ادارے کی بہتری کے لئے ہر ممکن اقدامات اٹھائے ہوئے ادارے کی ساکھ کو نقصان پہنچانے والوں کا کڑا احتساب کیا جائے گا۔ایک بیان کے مطابق نیٹکو کے منیجنگ ڈائریکٹر عاصم ٹوانہ سے نیٹکو ایمپلائیز ایسوسی ایشن کے کابینہ نے ملاقات کی۔ملاقات میں ادارے کی موجودہ صورت حال، ملاذمین کی اپ گریڈیشن، کنٹریکٹ ملاذمین کی مستقیلی سروس، ونٹر الاونس اور دیگر مسائل پر تفصیلی بات ہوئی۔ ایم ڈی نیٹکو عاصم ٹوانہ نے وفد کو یقین دلاتے ہوئے کہا کہ ملاذمین کی اپ گریڈیشن،کنٹریکٹ ملاذمین اور ونٹر الاونس کے حوالے سے فائنل رپورٹ تیار کیا گیا ہے اور بورڈ کی میٹنگ میں ان تمام اہم مسائل کو حل کرنے کے ہر ممکن اقدامات اٹھائے جائیں گے۔ایم ڈی نے ادارے میں قلیل مدت میں آمدن کی حصول کے لئے کئی جامع منصوبے اور اصلاحات اور ان پر کام کے حوالے سے ایسوسی ایشن کو آگاہ کیا جو کہ انتہائی خوش آئیند اور ادارے کے مستقبل کے لئے انتہائی فائدہ مند ہیں۔ نیٹکو ایمپلائز ایسوسی ایشن کے صدر منور عباس نے ایم ڈی کو ان کی انتھک محنت، کاوشوں اور ادارے میں مختلف منصوبوں پر کام کو سراہتے ہوئے امید کا اظہار کیا ہے ملازمین کو در پیش مسائل کے حل کے لئے جامع اور ٹھوس اقدامات اٹھائے جائیں گے انہوں نے نئے ایم ڈی نیٹکو پر تمام ملازمین کی طرف سے اعتماد اور ادارے کی ترقی کے لئے ہر ممکن تعاون کا یقین بھی دلایا ۔

Facebook Comments
Share Button