تازہ ترین

Marquee xml rss feed

وزیراعلی پنجاب نے تقرر و تبادلوں پر پابندی لگا دی-حکومت کا شرعی قوانین کے تحت احتجاجی مظاہروں کیخلاف مسودہ تیار حکومت نے احتجاجی مظاہرے ’’شریعت اور قانون کی نظرمیں“ کے عنوان سے مسودہ تیارکیا ہے، مسودے کو اگلے ایک ... مزید-دھماکے میں پاکستانی قونصل خانے کا تمام عملہ محفوظ رہا، ڈاکٹر فیصل دھماکا آئی ای ڈی نصب کرکے کیا گیا، قونصل خانے کی سکیورٹی بڑھانے کیلئےافغان حکام سے رابطے میں ہیں۔ ترجمان ... مزید-جلال آباد میں پاکستان سفارت خانے کے باہر دھماکا دھماکے میں ایک سکیورٹی اہلکار سمیت 3 افراد زخمی ہوگئے، دھماکا پاکستانی سفارتخانے کی چیک پوسٹ کے 200 میٹر فاصلے پر ہوا۔ ... مزید-گلوکارہ ماہم سہیل کے گانے سجن یار کی پری سکریننگ کی تقریب کا انعقاد-پاک ہیروز ہاکی کلب کی 55 ویں سالگرہ پر ٹورنامنٹ کا انعقاد-صفائی مہم کے دوران 47 ہزار ٹن کچرا نالوں سے نکالا گیا ہے‘ وفاقی وزیر برائے بحری امور علی زیدی-مودی کے دورہ فرانس پر”انڈیا دہشتگرد“ کے نعرے لگ گئے جب کوئی دورہ فرانس پرتھا، ترجمان پاک فوج کا دلچسپ ٹویٹ، سینکڑوں کشمیری، پاکستانی اورسکھ کیمونٹی کے لوگوں کا ایفل ... مزید-حالیہ پولیو کیسز رپورٹ ہونے کے بعد بلوچستان میں خصوصی پولیو مہم شروع کی جا رہی ہے، راشد رزاق-آئی جی پولیس نے راولپنڈی میں شہری سے فراڈ کے واقعہ کا نو ٹس لے لیا

GB News

سعودی ولی عہد 16 فروری کو پاکستان کا دورہ کریں گے

Share Button

پاکستان میں تعینات سعودی عرب کے سفیر نواف بن سعیدالمالکی نے تصدیق کی ہے کہ سعودی ولی عہد شہزادہ محمد بن سلمان 16 فروری کو پاکستان کا دورہ کریں گے۔سعودی سفیر نواف بن سعیدالمالکی نے وزارت خارجہ کا دورہ کیا جہاں انہوں نے آمد اعلیٰ حکام سے ملاقاتیں کیں۔  ملاقاتوں میں سعودی ولی عہد شہزادہ محمد بن سلمان کے دورہ پاکستان پر تبادلہ خیال کیا گیا۔سعودی سفیر کے مطابق سعودی ولی عہد 16 فروری کو پاکستان کا دورہ کریں گے۔ شہزادہ محمد بن سلمان دورہ پاکستان کے دوران پاکستانی قوم سے بھی خطاب کریں گے۔ ولی عہد کے دورے کے حوالے سے سیکیورٹی انتظامات جاری ہیں، ولی عہد کا دورہ پاکستان دو روزہ ہوگا۔ذرائع کے مطابق سعودی ولی عہد شہزادہ محمد بن سلمان پاکستان کی تاریخ میں بڑی سرمایہ کاری کا اعلان بھی کریں گے۔ ان کے دورے میں پاکستان اور سعودی عرب کے دوران 14 ارب ڈالر کے معاہدوں کا بھی امکان ہے۔یاد رہے کہ گزشتہ ماہ ایک بیان میں وفاقی وزیر اطلاعات فواد چودھری نے بتایا تھا کہ سعودی عرب کے ولی عہد شہزادہ محمد بن سلمان جلد پاکستان کا دورہ کریں گے۔انہوں نے یہ بات وفاقی کابینہ کے اجلاس کے بعد میڈیا سے گفتگو میں کی تھی۔ انہوں نے کہا تھا کہ سعودی عرب کی پاکستان کے ساتھ تاریخ کی سب سے بڑی غیر ملکی سرمایہ کاری ہو گی۔اس کے علاوہ دفتر خارجہ نے بھی سعودی ولی عہد شہزادہ محمد بن سلمان کے دورہ پاکستان کی تصدیق کی تھی۔ دفتر خارجہ کے ترجمان ڈاکٹر محمد فیصل نے بتایا تھا کہ شہزادہ محمد بن سلمان بن عبدالعزیز فروری میں پاکستان کا دورہ کریں گے۔ دورے کی حتمی تاریخ کا اعلان جلد کیا جائے گا۔ انہوں نے کہا تھا کہ شہزادہ محمد بن سلمان کے متوقع دورہ پاکستان کے موقع پر پاکستان اور مملکت سعودی عرب کے درمیان معاہدوں کی متعدد یادداشتوں پر دستخط ہوں گے۔ان کا کہنا تھا کہ دونوں ملک مفاہمت کی متعدد یادداشتوں کی تیاری میں مصروف ہیں جن کی سعودی ولی عہد کے دورہ کے دوران منظوری اور دستخط ہوں گے، تاہم انھوں نے معاہدوں کی نوعیت سے متعلق زیادہ تفصیل بتانے سے گریز کیا۔یاد رہے سعودی ولی عہد کو اس دورے کی دعوت وزیراعظم پاکستان عمران خان نے دی تھی۔ گزشتہ برس اگست میں حکومت سنبھالنے کے بعد عمران خان بھی اپنا پہلا غیر ملکی دورہ سعودی عرب کا کیا تھا۔ سعودی ولی عہد شہزادہ محمد بن سلمان بھی تحریک انصاف کی حکومت کے دوران پہلی مرتبہ پاکستان تشریف لا رہے ہیں۔

Facebook Comments
Share Button