GB News

بھارت ایک قدم آگے بڑھائے ہم دو قدم بڑھائیں گے، وزیر خارجہ

Share Button

وزیر خارجہ مخدوم شاہ محمود قریشی نے کہا ہے کہ بھارت اپنے آپ کو جتنا مرضی چھپا لے سوشل میڈیا اسے بے نقاب کر دیتا ہے،بھارت سے تعلقات مسئلہ کشمیر کے حل سے منسلک ہیں، بھارت ایک قدم آگے بڑھائے ہم دو قدم بڑھائیں گے،دورہ برطانیہ کا مقصد مسئلہ کشمیر کو اجاگر کرنا تھا، برطانیہ کی دونوں سیاسی جماعتیں فیکٹ فائنڈنگ مشن مقبوضہ کشمیر بھیجنے پر متفق ہیں، برطانوی پارلیمنٹ میں مظلوم کشمیریوں کے حق میں متفقہ قرارداد کی منظوری اور ان پر ہونے والے ظلم و استبداد کے خلاف جو آواز بلند ہوئی وہ تاریخ کا حصہ ہے،پانچ ماہ میں سعودی عرب، یو اے ای نے اور قطر نے ہمارے ساتھ غیر معمولی تعاون کیا،آج امریکا ہماری وجہ سے طالبان سے مذاکرات کر رہا ہے، عزت کا روزگار ڈھونڈنے ملکوں ملکوں پھرنے والے پاکستانیوں کو اب ملک کے اندر روزگار میسر ہو گا،سابق حکمرانوں کی نظر واشنگٹن پر ہوتی تھی، ہماری مدینے پر ہوتی ہے ،پی ٹی آئی کی حکومت مغرب کی آشیرباد سے نہیں 22 سال کی مسلسل جہد سے آئی ہے،پاکستان اور چین کے مابین سی پیک پارٹ ٹو کا فیصلہ ہو چکا ہے، ان خیالات کا اظہار انہوں نے جمعرات کو پی ٹی آئی برطانیہ کے ورکرز کنونشن سے خطاب کرتے ہوئے کیا۔ انہوں نے کہاکہ برمنگھم کے لوگوں نے جس طرح میرا استقبال کیا وہ ہمیشہ مجھے یاد رہے گا۔ آل پارٹیز پارلیمانی گروپ نے تحقیق اور شواہد اکٹھے کرنے کے بعد 30 اکتوبر کو جو رپورٹ شائع کی وہ وہی تھی جو پاکستان سال ہا سال سے کہتا چلا آ رہا ہے۔ انہوں نے کہاکہ2018جون میں اقوام متحدہ کی ہیومن رائٹس کمیشن کی رپورٹ شائع ہوتی ہے جو مقبوضہ جموں و کشمیر میں بھارت کی طرف سے سنگین انسانی حقوق کی خلاف ورزیوں کو اجاگر کرتی ہے۔ ان دو رپورٹس کے بعد ہماری حکومت نے فیصلہ کیا کہ ہم تحریک انصاف ہیں اور ہمیں خاموشی توڑنا ہے مظلوموں کے ساتھ آواز اٹھانا ہے۔ ہم لوگ مغرب کی آشیرباد سے 22 سال کی جہد مسلسل سے اقتدار میں آئے ہیں۔ ہمیں کہا جاتا تھا کہ ہمارے پاس قیادت نہیں آج میں آپ سب کو مبارک باد دیتا ہوں کہ منزل قریب ہے میری منزل وزارتِ خارجہ کی کرسی نہیں بلکہ نیا پاکستان ہے

Facebook Comments
Share Button