GB News

صوبائی حکومتوں کی مشاورت سے اقبالیات اور اسلامی تاریخ نصاب میں شامل کی جائے،عمران خان

Share Button

اسلام آباد(آئی این پی )وزیراعظم عمران خان نے کہا ہے کہ صوبائی حکومتوں کی مشاورت سے اقبالیات اور اسلامی تاریخ کو نصاب میں شامل کیا جائے تاکہ نئی نسل کو اسلام کی تاریخ ، مسلمانوں کا عروج اور برصغیر پاک و ہند میں مسلمانوں کے سب سے بڑے مفکر علامہ اقبال کی سوچ سے روشناس کرایا جا سکے، عوام الناس کی تاریخ اور حقائق سے نا آشنائی مفاد پرست عناصر کو موقع فراہم کرتی ہے کہ وہ تاریخ اور حقائق کو مسخ کرتے ہوئے اپنے مفادات کے لئے استعمال کریں ، بعض سیاست دانوں نے اسلام کو اپنی سیاسی دکان چمکانے کے لئے استعمال کیا ہے، ریاستِ مدینہ کے بنیادی اصولوں کی پیروی کرتے ہوئے آج بھی ہم اپنا مقام حاصل کرسکتے ہیں، مذہب اخلاقیات کا درس دیتا ہے ، معاشی و سماجی تنزلی سے پہلے اخلاقی تباہی واقع ہوتی ہے،کرپشن اخلاقی تباہی کا مظہر ہے۔جمعہ کو نئی نسل کو اسلامی تاریخ اور خصوصا قومی شاعر علامہ محمد اقبال کے فلسفے اور سوچ سے روشناس کرانے کے لئے کیے جانے والے اقدامات کے حوالے سے وزیرِ اعظم عمران خان کی زیر صدارت اجلاس ہوا۔ اجلاس میں وزیرتعلیم شفقت محمود، وزیرِ اطلاعات چوہدری فواد حسین، ترجمان ندیم افضل چن، معاونین خصوصی افتخار درانی، یوسف بیگ مرزا، وزیر تعلیم پنجاب مراد راس خان، ماہر تعلیم و اقبالیات رضا ہمدانی اور ڈاکٹر رضا گردیزی سمیت دیگر نے شرکت کی۔وزیراعظم عمران خان نے کہا کہ صوبائی حکومتوں کی مشاورت سے اقبالیات اور اسلامی تاریخ کو نصاب میں شامل کی جائے تاکہ نئی نسل کو اسلام کی تاریخ ، مسلمانوں کا عروج اور برصغیر پاک و ہند میں مسلمانوں کے سب سے بڑے مفکر علامہ اقبال کی سوچ سے روشناس کرایا جا سکے

Facebook Comments
Share Button