تازہ ترین

Marquee xml rss feed

شیریں مزاری نے ایران میں سیاہ برقع کیوں پہنا؟ ایران میں خواتین کا سر کو ڈھانپ کر رکھنا سرکاری طور پر لازمی ہے، اس قانون کا اطلاق زوار، سیاح مسافر خواتین، غیر ملکی وفود ... مزید-وفاقی وزیر برائے تعلیم کا پاکستان نیوی کیڈٹ کالج اورماڑہ اور پی این ایس درمان جاہ کا دورہ-پاکستانی لڑکیوں سے کئی ممالک میں جس فروشی کروائے جانے کا انکشاف لڑکیوں کو نوکری کا لالچ دیکر مشرق وسطیٰ لے جا کر ان سے جسم فروشی کرائی جاتی ہے، اہل خانہ کی جانب سے دوبارہ ... مزید-جدید بسیں اب پاکستان میں ہی تیار کی جائیں گی، معاہدہ طے پا گیا چینی کمپنی پاکستان میں لگژری بسوں اور ٹرکوں کا پلانٹ تعمیر کرے گی، 5 ہزار نوکریوں کے مواقع پیدا ہوں گے-وفاقی وزارتِ مذہبی امور نے ملک میں ایک ساتھ رمضان کے آغاز کے لیے صوبوں سے قانونی حمایت مانگ لی ملک بھر میں ایک ہی دن رمضان کے آغاز کے لیے وزارتِ مذہبی امور نے صوبائی اسمبلیوں ... مزید-جہانگیر ترین یا شاہ محمود قریشی، کس کے گروپ کا حصہ ہیں؟ وزیراعلی پنجاب نے بتا دیا میں صرف وزیراعظم عمران خان کی ٹیم کا حصہ ہوں، کسی گروپنگ سے کوئی تعلق نہیں: عثمان بزدار-اسلام آباد میں طوفانی بارش نے تباہی مچا دی جڑواں شہروں راولپنڈی، اسلام آباد میں جمعرات کی شب ہونے والی طوفانی بارش کے باعث درخت جڑوں سے اکھڑ گئے، متعدد گاڑیوں، میٹرو ... مزید-گورنر پنجاب چوہدری سرور کی جانب سے اراکین اسمبلی،وزراء اور راہنماؤں کے لیے دیے جانے والے اعشائیے میں جہانگیرترین کو مدعونہ کیا گیا 185میں سے صرف 125اراکین اسمبلی شریک ہوئے،پرویز ... مزید-بھارت کی جوہری ہتھیاروں میں جدیدیت اور اضافے سے خطے کا استحکام کو خطرات لاحق ہیں،ڈاکٹر شیریں مزاری جنوبی ایشیاء میں ہتھیاروں کی دوڑ سے بچنے کیلئے پاکستان کی جانب سے ... مزید-وزیراعلیٰ خیبرپختونخوا نے ضلع کرم میں میڈیکل کالج کے قیام اور ڈسٹرکٹ ہیڈکوارٹر ہسپتال کی اپ گریڈیشن کا اعلان کردیا ضلع کرم میں صحت اور تعلیم کے اداروں کو ترجیحی بنیادوں ... مزید

GB News

قومی حقوق کے حصول کیلئے گلگت بلتستان کی پوری قوم ایک پیج پر ہیں ،مولانا سلطان رئیس

Share Button

گلگت(نمائندہ خصوصی)عوامی ایکشن کمیٹی کے چیئر مین مولانا سلطان رئیس نے کہا ہے کہ قومی اسمبلی میں دوچار بیروزگاروں کو روزگار دلانے سے گلگت بلتستان کی محرومیوں کا ازالہ نہیں ہوسکتا آرڈر 2019 کے نفاذ کیلئے راہ ہموار کیا جارہا ہے ایکٹ آف پارلیمنٹ کے تحت مکمل متنازعہ حقوق اب گلگت بلتستان کا حق ہے چاہے کشمیر طرز کی صورت میں ہو یا عبوری صوبے کی صورت میں مگر اب کے بار کسی آرڈیننس اور ریفامز کو صوبے کے نام پر مسلط ہونے نہیں دیا جائے گا۔انہوں نے میڈیا کے نمائندوں سے گفتگو کرتے ہو ئے کہا کہ قومی حقوق کے حصول کیلئے اس گلگت بلتستان کی پوری قوم ایک پیج پر ہیں سپریم کورٹ آف پاکستان کے فیصلے کے بعد صوبے کے لولی پاپ کا رنگ پھیکا پڑھ چکا ہے اب اس ڈیمانڈ پر مزید لوگوں کو گمراہ نہیں کیا جاسکتا۔انہوں نے مزید کہا کہ گلگت بلتستان کی آئینی حیثیت کا تعین گلگت بلتستان کے سیاسی جماعتوں کا کام تھا مگر افسوس سے کہنا پڑتا ہے کہ گلگت بلتستان کی سیاسی جماعتیں صرف اور قومی اسمبلی اور سینیٹ میں تماشائی بننے کیلئے پوری قوم کا مستقبل داو پر لگارہے ہیں۔یہی وجہ ہے کہ عوامی ایکشن کمیٹی نے دیگر اتحادی جماعتوں کی مشاورت سے 17 فروری کو عوامی جلسے کا اہتمام کیا اس طرح کے جلسوں کے ذریعے عوامی سطح پر شعور کی بیداری کیلئے جدوجہد کو تیز کیا جائے گا. اسی طرح عوامی نوعیت کے جلسے گلگت کے بعد دیامر سکردو سمیت دیگر تمام اضلاع میں منعقد کیئے جائیں گے۔انہوں نے کہا کہ گلگت بلتستان کا مستقبل نوجوانوں کے ہاتھوں میں ہے اب سیاسی جماعتوں کو جو بھی فیصلہ لینا ہوگا بہت ہی سوچ سمجھ کر سنجیدگی سے لینا ہوگا کیونکہ اب وہ دور نہیں رہا کہ دوچار وفاقی سیاسی پارٹیاں آپس میں باریاں لگا کر مک مکا کریں گے۔انہوں نے کہا کہ گلگت بلتستان کو عبوری بنانے کی بات کرنے والے سوچ لیں کیا عبوری صوبے کے بعد گلگت بلتستان کے بنیادی حقوق کا تحفظ یقینی بنایا جائے گا کہ نہیں یا پھر سے ایک بار گلگت بلتستان میں ٹیکسز کے نفاذ اور سبسڈیز کے خاتمے کے ساتھ ملازمتوں میں نچلے سطح تک وفاق سے آنے والے ملازمین کیلئے راہ ہموار کیا جارہا ہے۔عبوری صوبہ ایکٹ آف پارلیمنٹ کے تحت با اختیار طور پر ہوگا تو موجودہ وفاقی حکومت کا گلگت بلتستان پر احسان ہوگا لیکن عبوری صوبے کے آڑھ میں استحصال کی صورت میں عوام حساب دینا بہت مشکل ہوگا۔لہذا ضرورت اس بات کی ہے کہ گلگت بلتستان کو جو بھی سیٹ اپ دیا جائے گلگت بلتستان اسمبلی اپوزیشن سمیت دیگر سٹیک ہولڈرز کو اعتماد میں لیکر کیا جائے اور اس ضمن میں گلگت بلتستان صوبائی حکومت کی ذمداری زیادہ بنتی ہے فوری طور پر آل پارٹیز کانفرنس بلاکر مشترکہ بیانییے کی تشکیل کیلئے راہ ہموار کیا جائے۔

Facebook Comments
Share Button