تازہ ترین

Marquee xml rss feed

GB News

نیٹکو قومی ادارہ ہے اس کو مستحکم کرنے کیلئے ہنگامی اقدامات اٹھائیں گے، حفیظ الرحمن

Share Button

اسلام آباد(پ ر)وزیراعلیٰ حافظ حفیظ الرحمن نے کہا ہے کہ نیٹکو قومی ادارہ ہے اس کو مستحکم کرنے کیلئے ہنگامی اقدامات اٹھائیں گے، انہوں نے کہا کہ ملازمین کا سروس سٹرکچر بنانے کا وعدہ ہم نے شروع میں کیا تھا وعدے کو دفا کریں گے ، نیٹکو میں ہزاروں ملازمین ہیں ان کی ملازمت کو تحفظ دینا حکومت کی ذمہ داری ہے ، ان خیالات کا اظہار انہوں نے نیٹکو ورکرز یونین کے صدر فضل الٰہی و دیگر سے گفتگو کرتے ہوئے کیا نیٹکو یونین کے صدر نے سروس سٹریکچر ایکٹ 2019ء پیش کیا وزیراعلیٰ نے سروس سٹریکچر کے قانونی معاملات کو دیکھنے کیلئے سیکرٹری لاء کو بھیج دیا انہوں نے سیکرٹری قانون کو ہدایت کی ہے کہ فوری رپورٹ دی جائے تا کہ نیٹکو ملازمین میں پائے جانے والے احساس محرومی کا خاتمہ ہو سکے انہوں نے یقین دلایا ہے کہ لیگی دور حکومت کے خاتمے سے پہلے سروس سٹریکچر ایکٹ کی منظوری دینگے ورکرز یونین کے صدر نے وزیراعلیٰ کا شکریہ ادا کرتے ہوئے کہا کہ سروس سٹریکچر نہ بننے سے ملازمین میں سخت احساس محرومی پایا جاتا ہے وزیراعلیٰ اور کابینہ سے توقع ہے کہ سروس سٹریکچر کی جلد منظوری دیں گے ، ملازمین وزیراعلیٰ ، کابینہ اور چیف سیکرٹری کیلئے دعا گو رہیں گے۔

Facebook Comments
Share Button