تازہ ترین

Marquee xml rss feed

GB News

سروس ٹربیونل کے چیئرمین بیرسٹر میر اخلاق حسین ایڈووکیٹ وفات پاگئے

Share Button

گلگت(نمائندہ خصوصی )سروس ٹربیونل کے چیئرمین بیرسٹر میر اخلاق حسین ایڈووکیٹ طویل علالت کے بعد الشفاء ہسپتال اسلام آباد میں انتقال کر گئے ہیں ۔مرحوم میر اخلاق حسین ایڈووکیٹ سال 2018میں سروس ٹربیونل کے چیئرمین بنے تھے جنہوں نے کم عرصے میں زیادہ تر کیسز کو میرٹ کی بنیاد پر نمٹادیا تھا اور سیاسی میدان میں بھی ایک جانی پہچانی شخصیت جانے جاتے تھے، وکالت کے زمانے میں سماجی کاموں سمیت گلگت بلتستان کے آئینی حقوق کے حوالے سے اہم اقدامات اٹھائے تھے اور گلگت بلتستان کے وکلاء کے حقوق کے لئے بھی ہمہ وقت کوشاں رہے اور گلگت بلتستان میں نامور قانون دان کے علاوہ سیاسی و سماجی شخصیت کے طور پر پہچانے جاتے تھے اور نینشل انٹر نیشنل سطح پر گلگت بلتستان کے آئینی حقوق کے حوالے سے بات کی اور نمائندگی کی ہے اور مر حوم نے اپنی پوری زندگی غریب پروری میں گذاری بعد ازاں قابلیت پر مر حوم میر اخلاق حسین ایڈووکیٹ کو سروس ٹربیونل کا چیئرمین بنایا گیا اور سال 2019کے پہلے ماہ میں عمرے کے لئے چلے گئے اور واپسی پر طبیعت خراب ہو ئی اور الشفاء ہسپتال میں ایڈمٹ کیا گیا جہاں انتہائی نگہداشت کے وارڈ میں ایڈمٹ رہے اور طویل علالت کے بعد دار فانی سے اتوار کی صبح چار بجے اپنے خالق حقیقی سے جاملے ، مرحوم کے لواحقین میں دو بیٹے ، چار بیٹیاں اور ایک بیوہ چھوڑ گئے ہیں ۔مرحوم میر اخلاق حسین ایڈووکیٹ کو آج بروز پیر کو اس آبائی قبرستان میں تدفین ہوگی۔میر اخلاق حسین کی وفات پر وزیر اعلیٰ سمیت صوبائی وزرائ، اپوزیشن اراکین اور سیاسی سماجی رہنمائوں نے اظہار تعزیت کیا ۔

Facebook Comments
Share Button