تازہ ترین

Marquee xml rss feed

ڈاکٹر صدیقی امریکی ریاست ٹیکسس میں واقع کارزویل جیل میں قید ہیں جہاں بہترین سہولیات میسر ہیں کارزویل جیل میں صرف خواتین قیدی زیرحراست ہیں، ڈاکٹر صدیقی عموما شلوار شلوار ... مزید-آصف زرداری نے پارٹی کارکنوں کو انتخابات کی تیاری کی ہدایت کردی پیپلز پارٹی کے تمام اراکین اسمبلی کو اپنے حلقوں میں کھلی عوامی کچہریاں بھی لگانے کی ہدایت-سابق صدر آصف علی زرداری کا قریبی ساتھی اور بھٹو ہاؤس کا انچارج عدالت میں رو پڑا غریب آدمی ہوں، وکیل کرنے کے بھی پیسے نہیں ہیں، نہیں جانتا کہ اکاؤنٹ میں اتنے پیسے کہاں سے ... مزید-اسد عمر کی وفاقی کابینہ میں دوبارہ شمولیت کا امکان سابق وزیر خزانہ وزیراعظم سے مشاورت کیلئے اسلام آباد پہنچ گئے، وزارت قبول کرنے کیلئے دوست احباب سے مشورے جاری-اگر این ایف سی ایوارڈ کے ساتھ پی ایف سی ایوارڈ کو حتمی شکل نہ دی گئی تو لوگوں کو اٹھارویں ترمیم سمیت این ایف سی ایوارڈ کا کوئی فائدہ نہیں ہوگا، مصطفی کمال-ایف بی آر نے واپڈا ٹائون میں واقع ڈیپارٹمنٹل سٹور کے اکاونٹس منجمد کر دئیے-عمران خان اپنے تمام فیصلے خود کرتے ہیں جہاں ضرورت محسوس ہو تبدیلی کر دیتے ہیں‘ صمصام بخاری وزیر اعظم نے عثمان بزدار کو میرٹ پر پنجاب کا وزیر اعلی مقرر کیا ہے انہیں ہٹانے ... مزید-کابینہ اجلاس میں اشیائے ضروریہ کی قیمتوں پر کڑی نظر رکھنے کا فیصلہ کیا گیا،ڈاکٹر فر دوس عاشق عوان آئندہ بجٹ کو عوام دوست بنانے کیلئے اقدامات کررہے ہیں، اشیائے ضروریہ ... مزید-وزیراعظم عمران خان کی زیر صدارت اجلاس میں وفاقی کابینہ نے 22 نکاتی ایجنڈے کی منظوری دیدی وزیراعظم عمران خان نے کابینہ اراکین کو باور کرایا ہے کہ وہ عوامی خدمت کے اقدامات ... مزید-لاہور ، وزیراعظم عمران خان کی آٹھ رکنی اقتصادی مشاورتی کونسل کے رکن ڈاکٹر عابد قیوم سلہری کا لاہور پریس کلب کا دورہ

GB News

‘کٹھ پتلی’ قرار دینے پر عالیہ بھٹ کا کنگنا رناوٹ کو جواب

Share Button

بالی وڈ اداکارہ عالیہ بھٹ نے کنگنا رناوٹ کی جانب سے خود کو فلمساز کرن جوہر کی ‘کٹھ پتلی’ قرار دینے پر ردعمل دیتے ہوئے کہا ہے کہ انہوں نے ایسا کچھ نہیں کیا کہ ان سے متعلق اس طرح کا بیان دیا جائے۔

واضح رہے کہ حال ہی میں ایک پریس کانفرنس کے دوران کنگنا رناوٹ نے الزام عائد کیا تھا کہ عالیہ بھٹ جیسی لڑکیاں، ان سے توقع کرتی ہیں کہ وہ ان کی فلموں کی اسکریننگ میں شرکت کریں گی اور ان کے کام کی سوشل میڈیا پر تشہیر کریں گی، لیکن وہ کبھی بھی اس کا بدلہ نہیں چکاتیں، خاص کر ان کی حال ہی میں ریلیز ہونے والی تاریخی فلم، ‘مانیکرنیکا: دی کوئین آف جھانسی’ کے موقع پر کسی نے اس پر توجہ نہیں دی۔

‘مانیکرنیکا’ کنگنا رناوٹ اور  رادھا کرشنا جگرلامودی کی ہدایات میں بننے والی فلم ہے، جس میں کنگنا، رانی لکشمی بائی کا کردار ادا کر رہی ہیں۔

کنگنا کا کہنا تھا، ‘میں نے عالیہ کو ذاتی طور پر فون کرکے پوچھا کہ انہیں کیسے یہ لگا کہ فلم ‘مانیکرنیکا’ میرا ذاتی مسئلہ ہے، بالی وڈ اس فلم کے حوالے سے خاموش کیوں ہے۔ میں نے ان سے پوچھا کہ جب میں ان کے کام کی تشہیر کرسکتی ہوں تو وہ میری فلمیں دیکھنے سے اتنی خوفزدہ کیوں ہیں؟’

انہوں نے کہا، ‘میں اس بات سے تنگ آچکی ہوں کہ پورا بالی وڈ میرے خلاف ہے، لیکن اب میں ہر ایک کو بے نقاب کروں گی’۔

ساتھ ہی کنگنا نے عالیہ بھٹ کو مشورہ دیا کہ ‘وہ اپنے اندر ہمت پیدا کریں اور خواتین کے حوالے سے اتنی اہم فلم (مانیکرنیکا) کو پروموٹ کریں، لیکن اگر ان کی اپنی کوئی آواز نہیں اور ان کی حیثیت محض کرن جوہر کی کٹھ پتلی جیسی ہے تو میں انہیں کامیاب تصور نہیں کرتی، اگر وہ اپنی آواز بلند کرنے کے بجائے صرف پیسہ کمانے پر توجہ مرکوز رکھیں گی تو ان کی کامیابی کی کوئی اہمیت نہیں ہے، مجھے امید ہے کہ وہ کامایبی اور اپنی ذمہ داریوں کو درست طریقے سے سمجھیں گی’۔

ہندوستان ٹائمز کی ایک رپورٹ کے مطابق کنگنا کے الزامات کے جواب میں عالیہ بھٹ کا کہنا تھا، ‘اگر انہیں (کنگنا کو) مجھ سے کوئی شکایت ہے تو میں ذاتی طور پر انہیں جواب دینا چاہوں گی۔ میں اس بارے میں میڈیا پر بات نہیں کرنا چاہتی، جیسا کہ میں نے پہلے بھی کہا ہے کہ میں بحیثیت اداکارہ ان کی مداح ہوں، وہ بے دھڑک اپنی بات کہہ دینے والی انسان ہیں اور میں اس بات پر بھی انہیں سراہتی ہوں، اگر میں نے نادانستہ طور پر انہیں پریشان کیا ہو تو میں اس بارے میں نہیں جانتی۔ بنیادی طور پر یہ میرا مقصد نہیں تھا، میں نے ایسا کچھ نہیں کیا کہ مجھے اس طرح کا ردعمل ملے۔ ‘

اس سے قبل عالیہ نے کہا تھا کہ اگر انہوں نے کسی بھی طرح کنگنا کا دل دکھایا ہو تو وہ ان سے معذرت کریں گی۔

عالیہ کے مطابق، ‘مجھے امید ہے کہ وہ مجھے ناپسند نہیں کریں گی۔ میرا نہیں خیال ہے کہ میں نے انہیں دانستہ طور پر پریشان کیا ہو، لیکن اگر میں نے ایسا کیا ہے تو میں ان سے ذاتی طور پر معذرت کروں گی۔

واضح رہے کہ کنگنا رناوٹ نے 2017 میں فلم ساز کرن جوہر کے ریئلٹی شو ‘کافی ود کرن’ میں شرکت کے دوران کہا تھا کہ فلم انڈسٹری میں اقربا پروری موجود ہے، ساتھ ہی انہوں نے کرن جوہر پر الزام عائد کیا تھا کہ وہ اس رواج کو برقرار رکھتے ہیں۔

یہ بھی واضح رہے کہ عالیہ بھٹ نے کرن جوہر کی ہی فلم ’اسٹوڈنٹ آف دی ایئر‘ سے بالی وڈ ڈیبیو کیا تھا۔

دوسری جانب کرن جوہر عالیہ بھٹ کو اپنی بیٹی مانتے ہیں، جن کا کہنا تھا کہ وہ فلم ’راضی‘ میں عالیہ کی بہترین اداکاری دیکھ کر رو پڑے تھے۔

Facebook Comments
Share Button