GB News

فورس کمانڈرمیجر جنرل احسان محمودنے فورتھ شیڈول میں شامل افراد کے ناموں پر نظر ثانی کا حکم دے دیا

Share Button

گلگت (سٹاف رپورٹر) فورس کمانڈر گلگت بلتستان میجر جنرل احسان محمود خان نے فورتھ شیڈول میں شامل افراد کے ناموں پر نظر ثانی کا حکم دے دیا ہے، ذرائع کے مطابق فورس کمانڈر نے شیخ حسن جوہری، غلام شہزاد آغا اور دیگر کے نام فورتھ شیڈول میں شامل کئے جانے کے حوالے سے اخبارات اور سوشل میڈیا پر چلنے والی خبروں کا نوٹس لے لیا ہے اور متعلقہ اداروں کو اس پر نظر ثانی کا حکم دے دیا ہے۔ فورس کمانڈر کے حکم کے بعد متعلقہ اداروں نے فورتھ شیڈول پر نظر ثانی کیلئے کام شروع کردیا ہے۔ ، گلگت بلتستان میں اس وقت 84 افراد کے نام فورتھ شیڈول میں شامل ہیں، فورس کمانڈر کی جانب سے نظر ثانی کی ہدایت کے بعد امکان ظاہر کیا جارہا ہے کہ 50 سے زائد افراد کے نام فورتھ شیڈول سے نکالے جائیں گے، فورتھ شیڈول میں شامل 84 افراد میں ایم ڈبلیو ایم کے رہنماء آغا علی رضوی، پیپلز پارٹی کے رہنماء غلام شہزاد آغا، اسلامی تحریک کے رہنماء شیخ مرزا علی، شیخ حسن جوہری، شیخ بلال سمائری، انجینئر شبیر اور دیگر متعدد افراد کے نام شامل ہیں، کچھ دن قبل ہی شیخ حسن جوہری اور غلام شہزاد آغا کے نام فورتھ شیڈول میں شامل کئے گئے تھے، اس کے ایک دن بعد ہی کمیٹی نے دونوں کے نام فورتھ شیڈول سے نکالنے کا فیصلہ کیا ۔ واضح رہے کہ فورتھ شیڈول کے حوالے سے گلگت بلتستان کے سیاسی وسماجی حلقوں نے شدید تحفظات کا اظہار کیا تھا اور کہا جارہا تھا کہ صوبائی حکومت فورتھ شیڈول کو سیاسی انتقام کیلئے استعمال کر رہی ہے اور گلگت بلتستان کے حقوق کیلئے اٹھنے والی آوازوں کو دبانے کی کوشش کی جارہی ہے۔

Facebook Comments
Share Button