تازہ ترین

Marquee xml rss feed

گوادر میں پاکستان کا سب سے بڑا اور جدید ترین ائیرپورٹ تعمیر کرنے کی تیاریاں مکمل وزیراعظم عمران خان 29 مارچ کو ساحلی شہر میں منصوبے کا سنگ بنیاد رکھیں گے، منصوبہ سی پیک ... مزید-بلاول بھٹو 26مارچ کو کراچی سے ٹرین مارچ کا آغاز کریں گے، خورشید شاہ اٹھارہویں ترمیم کی حفاظت کے لیے قانون کےدائرے میں رہ کر جو بھی کر سکتے ہیں کریں گے، بلاول بھٹو زرداری-460ارب جرمانہ ملک ریاض نے نہیں، عوام نے ادا کرنا ہے، محمود صادق ملک ریاض کوعدالت سے ڈیل میں اب بھی 700 ارب منافع ہوگا، بحریہ ٹاؤن پر دباؤ بڑھنے سے کام ٹھپ ہوا تو لوگوں نے ... مزید-مفتی تقی عثمانی پر حملہ کرنیوالے ملزمان بہت جلد قانون کی گرفت میں ہوں گے،آئی جی سندھ-آئی ایس پی آر اور پاک فضائیہ کی جانب سے یومِ پاکستان 2019 کی مناسبت سے آفیشل نغمے جاری کردیے پاکستان زندہ آباد کے عنوان سے جاری کیے گئے نغمے میں وطن کے محفافظوں کو ... مزید-فیس بک کا بغیر اجازت نامناسب تصاویر اپ لوڈ یا شیئر کرنے والے صارفین کو بلاک کے نئے اقدامات کا اعلان کسی کی نامناسب تصاویر اس کی اجازت کے بغیر شیئر کرنا نقصان دہ ہے، ہم ... مزید-وزیراعلیٰ سندھ کا مفتی تقی عثمانی پر قاتلانہ حملے میں شہید اہلکار کے نابینا بچوں کے علاج کرانے اور مفت تعلیم کا اعلان-یوم پاکستان : گورنر اور وزیراعلیٰ سندھ نے مزار قائد پر حاضری دی،ملکی سلامتی کیلئے دعاکی-سعودی ولی عہد کی مہمان نواز کرنے والے ملازمین میں ایک کروڑ اعزازی تنخواہ دیئے جانے کا انکشاف-ملائیشیا پاکستان کی دفاعی صنعت سے بے حد متاثر، پاکستان کے اینٹی ٹینک میزائل خریدنے میں دلچسپی کا اظہار گزشتہ روز ملائیشیا کے وزیراعظم نے جے ایف 17 تھنڈر جنگی طیاروں کی ... مزید

GB News

وزیر اعظم اورایرانی صدر درمیان ٹیلیفونک رابطہ، دونوں ممالک کے انٹیلی جنس اداروں میں تعاون پراتفاق

Share Button

اسلام آباد(آئی این پی) وزیر اعظم عمران خان نے ایران کے صدر حسن روحانی کے درمیان ٹیلیفونک رابطے میں دو طرفہ تعلقات کو مزید مضبوط بنانے، عوامی رابطوں کے فروغ اور انسداد دہشتگردی کے لئے دونوں ممالک کے انٹیلی جنس اداروں میں تعاون پر اتفاق کیاگیا جبکہ عمران خان نے موجودہ صورتحال میں ایران کے مثبت کردار کی ضرورت پر زور دیا، ایرانی صدر نے کہاکہ پاکستان کے تاریخی اور عوامی تعلقات ہیں خطے میں امن و استحکام کے لئے دونوں ممالک کا کردار انتہائی اہم ہے ،ایران خطے میں اقتصادی ترقی کے لئے امن کوششیں جاری رکھے گا۔ ہفتہ کو وزیر اعظم عمران خان نے ایران کے صدر حسن روحانی کے درمیانٹیلیفونک رابطہ ہوا جس دوران عمران خان نے ایرانی صدر کو خطے کی تازہ ترین صورتحال کے بارے میں آگاہ کیا ، دونوں رہنمائوں نے پاک بھارت کشیدگی پر بھی تبادلہ خیال کیا اور وزیراعظم نے انہیں بھارت کے ساتھ کشیدگی ،اس کے خاتمے کیلئے پاکستان کی امن کوششوں ، مذاکرات کے ذریعے کشیدگی میں کمی ، موجودہ صورتحال میں برادر ملک ایران کے کردار پربھی بات چیت کی گئی ۔ مستقبل قریب میں عمران خان کے دورہ ایران بارے بھی تبادلہ خیال کیا گیا ۔ذرائع کے مطابق گفتگو کے دوران وزیر اعظم عمران خان نے امن کے لئے پاکستان کی جانب سے کی جانے والی کوششوں اور بھارت کے ساتھ تعلقات کے حوالے سے بھی آگاہ کیا ۔ عمران خان نے ایران میں دہشتگردی کے حالیہ واقعات کی مذمت اور پاسداران انقلاب کے اہلکاروں کے جاں بحق ہونے کے واقعہ پر افسوس کا اظہار کیا جس میں 27 ایرانی گارڈز جاں بحق ہو گئے تھے ۔ وزیر اعظم نے کشمیریوں کی مسلسل حمایت پر ایرانی قیادت کا شکریہ ادا کیا ۔ ایران کے صدر نے کہا کہ پاکستان کے تاریخی اور عوامی تعلقات ہیں خطے میں امن و استحکام کے لئے دونوں ممالک کا کردار انتہائی اہم ہے ۔ روحانی نے کہا کہ ایران اور پاکستان دونوں برادر اسلامی ملک ہیں اور ایران خطے میں اقتصادی ترقی کے لئے امن کوششیں جاری رکھے گا۔ٹیلیفونک گفتگو کے دوران دونوں رہنمائوں نے دو طرفہ تعلقات کو مزید مضبوط بنانے کے عزم کا اظہار کیا اور اس بات پر اتفاق کیا کہ انسداد دہشتگردی کے لئے دونوں ممالک کے انٹیلی جنس اداروں میں تعاون ضروری ہے ۔ دونو ں رہنمائوں نے عوامی رابطے بھی مزید بڑھانے پر اتفاق کیا۔ اس دوران عمران خان نے موجودہ صورتحال میں ایران کے مثبت کردار کی ضرورت پر زور دیا ۔ ایرانی صدر نے وزیر اعظم عمران خان کو دورہ ایران کی دعوت دی اور کہا کہ خطے میں امن کے لئے دونوں ممالک کا کردار کلیدی ہے ۔

Facebook Comments
Share Button