تازہ ترین

Marquee xml rss feed

سمندری حدود میں کیکڑا 1 کے مقام پر توانائی کے ذخائر کی تلاش کا کام مکمل طور پر ناکام نہیں ہوا جس مقام پر ڈرلنگ کی گئی وہاں آس پاس توانائی کے ذخائر موجود ہیں، کسی دوسری جگہ ... مزید-پاکستان اور بنگلا دیش کے درمیان کشیدی شدت اختیار کر گئی بنگلا دیش حکومت نے پاکستانیوں کو ویزہ جاری کرنے پر پابندی عائد کردی، پاکستان کے لیے پروازوں کو اجرابھی روک دیا ... مزید-آئی جی پنجاب نے ڈولفن فورس کی کارکردگی کا جائزہ لینے کے بعد ہدایات جاری کر دیں جرائم پیشہ عناصر کی جانب سے حملے یا فائرنگ کی صورت میںہی ڈولفن فورس کو جوابی فائر کی اجازت ... مزید-چوہدری محمدسرور سے صوبائی وزیر میاں محمودالرشید اور فہیم خان کی ملاقات حکومت کا مشن عام آدمی کی ترقی اور خوشحالی ہے،گور نر پنجاب کی گفتگو-میاں اسلم اقبال سے جرمن الباء گروپ کے نمائندوں کی ملاقات کوڑا کرکٹ سے بجلی پیدا کرنے کے منصوبوں پر بات چیت کی گئی-گلگت کی سیاسی جماعت کا سربراہ ’راء‘ کا ایجنٹ نکلا، 14رکنی گروہ نے گرفتاری کے بعد بڑے انکشافات کر دیے ’راء‘ نے عبدالحمید کو بھارت بلا کر تربیت دی، پاکستان کو عالمی سطح ... مزید-بلاول بھٹو کا بی این پی مینگل، ایم کیوایم کوبجٹ میں ووٹ نہ دینےکا مشورہ ایم کیو ایم اور بی این پی کے معاہدے پر عمل نہیں ہوا، بی این پی لاپتا افراد کی بازیابی اور ایم کیوایم ... مزید-ڈولفن فورس کا مقصد سٹریٹ کرائم پر قابو پانے کے ساتھ ساتھ کمیونٹی بیسڈ پولیسنگ کو فروغ دینا ہے‘کیپٹن (ر) عارف نواز صرف جرائم پیشہ عناصر کی جانب سے حملے یا فائرنگ کی صورت ... مزید-شرح سود میں اضافے سے مقامی قرضوں پر سود کی مد میں300ارب کا فرق پڑیگا‘معاشی تجزیہ کار بینکوں سے قرض لیکر کی جانیوالی سرمایہ کاری کے رجحان میں کمی سے معیشت سست روی کا شکار ... مزید-وفاقی اور پنجاب حکومت بجٹ میں غر یب آدمی پر فوکس کر یں گی انکو زیادہ سے زیادہ ریلیف دیا جائیگا ‘چوہدری محمد سرو ر کچھ عناصر ملک میں اقتصادی غیریقینی صورتحال پیدا کرنے ... مزید

GB News

سیاحت اور ملاوٹ

Share Button

وزیراعظم عمران خان نے سیاحتی فروغ کیلئے مختلف اقدامات اٹھانے کی ہدایات جاری کیں اور کہا ہے کہ سیاحت کے فروغ کیلئے مربوط پالیسی مرتب کی جائے۔وزیر اعظم نے کہا کہ ملاوٹ مافیا کو کسی صورت معاف نہیں کیا جائے گا اور ایسے عناصر کے خلاف بلا تفریق آپریشن جاری رہنا چاہیے۔ بلاشبہ سیاحت کے ذریعے پاکستان اربوں ڈالر کا زرمبادلہ کما سکتا ہے بالخصوص گلگت بلتستان ہی میں سیاحت کے فروغ کو ممکن بنا کر پاکستان کی جانب دنیا بھر کے سیاحوں کو راغب کیا جا سکتا ہے اس سلسلے میں ضروری ہے کہ حکومت محض بیانات کے ذریعے سیاحت کے فروغ کی بجائے عملی اقدامات کو ممکن بنائے۔ جہاں تک ملاوٹ کی بات ہے یہ درست ہے کہ ملاوٹ کا عنصر ہمارے معاشرے میں دن بدن پھیلتا جارہا ہے۔ اس کے تدارک کرنے والے ادارے ڈی ایچ او ،ڈی ایف او ،ڈرگ کنٹرول اتھارٹی ،ایف آئی اے ،اینٹی کرپشن اور دیگر اداروں کو مکمل ناکامی کا سامنا ہے۔جس ملک میں ادویات میں ملاوٹ ہو ،دو نمبر ادویات کی خرید وفروخت کھلم کھلا جاری ہو وہاں شرح اموات اور بیماریوں میں اضافہ واضح امر ہے چند دنوں میں کروڑ پتی بننے کی دوڑ نے ہمیں اندھا کردیا ہے۔ہم خدا اور رسولۖ سب کو بھول کر مکروہ دھندے میں ملوث ہیں کیونکہ یہاں کو ئی سخت قانون یا سزا نہیں ہے۔اس لئے رہائی یاجرمانے کے بعددوبارہ زور شور سے ملاوٹ کا کام شروع کردیاجاتا ہے۔ دودھ ،گھی ،تیل ،مشروبات ،جوس ،ادویات ،مرچ حتی کہ ہم نمک جیسی سستی شے میں بھی ملاوٹ سے باز نہیں آتے۔ چائنہ میں ملاوٹ کرنے والوں کے لئے موت کی سزا ہے۔یہی حال دیگر یورپی ممالک میں بھی ہے جس کے باعث وہاں لوگوں کی صحت اچھی ہونے کے ساتھ ساتھ شرح اموات کم اور اوسط عمر ہماری نسبت بہت زیادہ ہے۔ہمارا ملک چائے استعمال کرنے والے ملکوں کی فہرست میں قابل ذکر ہے لیکن چائے میں ملاوٹ بھی جاری وساری ہے۔ جانوروں کا خون چنے کاچھلکا اور کپڑے رنگنے والا زہریلا کیمیکل استعمال ہوتاہے۔ان اشیاء سے تیار ہونے والی چائے کا رنگ نمایا ں ہوتا ہے اور نرخ بھی جس کے باعث لوگ اپنی موت اپنے ہاتھوں سے خرید کر اپنے جگر ،گردوں ،پتے ،گلے ،مثانوں ،دل کے امراض کی بیماریوں میں اضافہ اس کی بڑی وجہ ہے۔گرمی کے ایام میں مشروبات کی فروخت میں بہت اضافہ ہوجاتا ہے۔شہر میں برانڈڈ کمپنیوں کی خالی بوتلوں کو ری سائیکل کرکے دوبارہ بازاروں میں فروخت کرنے کے علاوہ انتہائی گھٹیا جوس لاہور سے پیک کروا کر سستے داموں فروخت ہورہا ہے جو انتہائی مضر صحت ہے۔اسی طرح آم ،مالٹے،سنگترہ ،لیچی ،سیب کے نام پر دیگر کئی جوس فروخت ہورہے ہیں لیکن ان میں جوس کی مقدارشاید ہی ہو ،جب کہ کیمیکل ،رنگ،سکرین وغیر ہ کا استعال عام ہوتاہے۔اکثر بڑی کمپنیوں کے جوس بھی سنتھیٹک (مصنوعی)ہوتے ہیں ہمارا معدہ ان جوسز کی تباہ کاریوں کا متحمل ہی نہیں ہے لیکن آج شادی بیاہ رسومات وغیر ہ میں ان کا استعمال عام ہے جس کے باعث معدے میں السر اور دیگر قسم کی بیماریوں میں اضافہ ہورہا ہے۔ادویات میں ملاوٹ اور دو نمبر ادویات کی تیاری کا دھند ہ ملک پاکستان میں عروج پرہے۔آپ اینٹی بائیوٹک لیتے رہیں لیکن آپ کا انفیکشن ختم ہی نہیں ہوگا۔بڑی بڑی کمپنیوں کی دو نمبر ادویات کے علاوہ ملکی کمپنیوں کی ادویات مہنگے داموں فروخت ہورہی ہیں جس سے ڈاکٹر ،ڈسٹری بیوٹر ،دکاندار مریضوں کی کھال ادھیڑ لیتے ہیں۔لیکن مرض کی شدت میں کوئی کمی نہیں آتی۔ڈاکٹرز اور ڈسٹری بیوٹربھی ملے ہوئے ہیں اور بلا کسی ضرورت کے ادویات لکھ دیتے ہیں۔انتہائی مہنگی ہونے کے ساتھ ساتھ غیر معیاری ہوتی ہیں۔ہربل ادویات کی بے شمار کمپنیاں مارکیٹ میں موجود ہیں۔لوگ گھروں میں کھانسی زکام کا سیرپ بنا کرفروخت کرتے ہیں لیکن کوئی پوچھنے والا نہیں ہے۔حکومت اور وزارت صحت ،ڈرگ انسپکٹر ،ڈسٹری بیوٹر ،ڈاکٹر ،سب کی ملی بھگت سے غریب مریض کو دونوں ہاتھوں سے ذبح کیا جارہاہے کوئی پوچھنے والا نہیں ہے۔اوپر سے ہماری وزارت صحت کی ملی بھگت سے ادویات کی قیمتوں میں سو سے پانچ سو فیصد تک اضافہ کر دیا گیا ہے۔جب کہ ہمارے پڑوسی ملک انڈیا میں یہی ادویات انتہائی کم قیمت پر دستیاب ہیں جو ہماری مارکیٹ میں بھی دھڑا دھڑا سمگل ہوکر فروخت ہورہی ہیں۔آج ہم کولیسٹرول فری کوکنگ آئل ،گھی وغیرہ لوگوں کو مہیا کررہے ہیں اس کی کوئی گارنٹی نہیں ہے کہ یہ واقعی کولیسٹرول فری ہے۔کوئی اداروہ ایسا نہیں جو انکے معیار کو پرکھے۔ایسی ناقص اشیاء خوردنی کے باعث بیماریوں میں اضافہ ،ہسپتالوں میں رش اور اموات میں اضافہ دن بدن بڑھتا جارہا ہے۔کینسر ،امراض قلب ،شوگر ،جیسی بیماریوں میں اضافہ اس کی بڑی وجہ ہے۔ہمارے معاشرے میں خواتین میں آج کل متعدد قسم کی گولیوں کا استعمال عام ہورہا ہے۔رنگ گورا کرنے اور چہرے سے کیل مہاسے ،دانے دھبوں کو دور کرنے والی یہ دیسی کریمیں خواتین کو جلد کی بیماریوں جن میں جلد کا کینسر عام ہے میں مبتلا کررہی ہیں۔لیکن ہمارے اخبارات ،میگزین ،رسالے ایسی مہلک کریموں کے اشتہارات سے بھرے پڑے ہیں۔ہمارے بیوٹی پارلروں میں بھی ایسی اشیاء کا بے دریخ استعمال عورتوں کو جلد کی بیماریوں میں مبتلا کرنے کا سبب بن رہا ہے۔حکومت نے پٹرول ،ڈیزل ،مٹی کے تیل کی قیمتوں میں آئے روز اضافہ کرکے ہماری معیشت کی کمر توڑ کر رکھ دی ہے اوپر سے ان اشیاء میں بھی ملاوٹ کی جارہی ہے۔پیٹرول پمپوں پر پیمانوں میں گڑ بڑ کی شکایات عام ہیں لیکن کوئی روک ٹوک نہیں ہے۔مذکورہ ملاوٹ اورگرانی کے حرام کام میں تاجر حضرات ،ڈاکٹرز ،میڈیسن کمپنیاں ،ملیں ،صنعت کار ،ایف آئی اے ،اینٹی کرپشن ،ڈرگ انسپکٹرز ،محکمہ صحت ،محکمہ فوڈ ،انتظامیہ ،عوامی نمائدنے تمام برابر کے شریک ہیں۔عیب چھپا کر مال فروخت کرنا، کم تولنا، کم ناپنا یہ ایسے اْمور ہیں، جن کی شریعتِ مطہرہ میں کوئی گنجائش نہیں۔ آج کا تاجر اگرچہ مسلمان ہے اور اْسے ان چیزوں کی برائی کا علم بھی ہے، مگر وہ یہ سب کام کر رہا ہے۔ اْسے یہ بھی پتا نہیں چلتا کہ اْس کی ملاوٹ سے عوام کا کیا نقصان ہو رہا ہے۔ تاجر حضرات نہ جانے لوگوں کو کیا کیا حرام اور حلال ملا کر کھلا رہے ہیں۔ بہت سے کیمیکل ایسے ہیں جن کو غذائوں میں شامل کیا جا رہا ہے۔ اس بات کا تو اندازہ کرنا بھی مشکل ہے کہ کون سے کیمیکل غذا یا دوسری قابل استعمال اشیاء میں استعمال کرنے چاہییں اور وہ حلال بھی ہیں۔حکومت اور اْن کے احکام بھی ملاوٹ میں کردار ادا کر رہے ہیں۔ جب حکام اپنے احکامات کو بازاروں اور منڈیوں پر لاگو نہیں کر پاتے تو یہ سب غلط کاری ہوتی ہے۔ معاشرہ بہت سے افراد اور ان کے احوال کے مجموعے کا نام ہے۔ اگر لوگ جانتے ہوں کہ ملاوٹ ہو رہی ہے، اس کے باوجود وہ اپنی کوشش سے تاجروں کو منع نہ کریں تو یہ لوگ بھی ملاوٹ میں کسی حد تک شامل ہیں۔ دودھ میں پانی ملایا جاتا ہے۔ اناج میں پانی، مٹی، کنکر اور روڑے ملائے جاتے ہیں۔ غذائوں میں حرام کیمیکل ملائے جاتے ہیں۔ اصلی گھی، شہد حتیٰ کہ لال مرچ تک خالص نہیں مل پاتی۔ ان گنت اشیاء میں ملاوٹ ہو رہی ہے، جس سے انسانوں کی صحت دائوپر لگی ہے۔ستم یہ ہے کہ خالص اور صاف پانی تک میسر نہیں۔ ذمہ دار حضرات کا فرض ہے کہ وہ معاشرے میں ان اْمور کو ختم کرنے کے لیے تن من دھن سے سعی کریں۔ اگر حکومت ملاوٹ کرنے والے چند افراد اور کمپنیوں کو عبرت کا نشان بنا دے تو معاشرے سے اس ناسور کا تدارک ممکن بنایا جا سکتا ہے۔

Facebook Comments
Share Button