تازہ ترین

Marquee xml rss feed

سمندری حدود میں کیکڑا 1 کے مقام پر توانائی کے ذخائر کی تلاش کا کام مکمل طور پر ناکام نہیں ہوا جس مقام پر ڈرلنگ کی گئی وہاں آس پاس توانائی کے ذخائر موجود ہیں، کسی دوسری جگہ ... مزید-پاکستان اور بنگلا دیش کے درمیان کشیدی شدت اختیار کر گئی بنگلا دیش حکومت نے پاکستانیوں کو ویزہ جاری کرنے پر پابندی عائد کردی، پاکستان کے لیے پروازوں کو اجرابھی روک دیا ... مزید-آئی جی پنجاب نے ڈولفن فورس کی کارکردگی کا جائزہ لینے کے بعد ہدایات جاری کر دیں جرائم پیشہ عناصر کی جانب سے حملے یا فائرنگ کی صورت میںہی ڈولفن فورس کو جوابی فائر کی اجازت ... مزید-چوہدری محمدسرور سے صوبائی وزیر میاں محمودالرشید اور فہیم خان کی ملاقات حکومت کا مشن عام آدمی کی ترقی اور خوشحالی ہے،گور نر پنجاب کی گفتگو-میاں اسلم اقبال سے جرمن الباء گروپ کے نمائندوں کی ملاقات کوڑا کرکٹ سے بجلی پیدا کرنے کے منصوبوں پر بات چیت کی گئی-گلگت کی سیاسی جماعت کا سربراہ ’راء‘ کا ایجنٹ نکلا، 14رکنی گروہ نے گرفتاری کے بعد بڑے انکشافات کر دیے ’راء‘ نے عبدالحمید کو بھارت بلا کر تربیت دی، پاکستان کو عالمی سطح ... مزید-بلاول بھٹو کا بی این پی مینگل، ایم کیوایم کوبجٹ میں ووٹ نہ دینےکا مشورہ ایم کیو ایم اور بی این پی کے معاہدے پر عمل نہیں ہوا، بی این پی لاپتا افراد کی بازیابی اور ایم کیوایم ... مزید-ڈولفن فورس کا مقصد سٹریٹ کرائم پر قابو پانے کے ساتھ ساتھ کمیونٹی بیسڈ پولیسنگ کو فروغ دینا ہے‘کیپٹن (ر) عارف نواز صرف جرائم پیشہ عناصر کی جانب سے حملے یا فائرنگ کی صورت ... مزید-شرح سود میں اضافے سے مقامی قرضوں پر سود کی مد میں300ارب کا فرق پڑیگا‘معاشی تجزیہ کار بینکوں سے قرض لیکر کی جانیوالی سرمایہ کاری کے رجحان میں کمی سے معیشت سست روی کا شکار ... مزید-وفاقی اور پنجاب حکومت بجٹ میں غر یب آدمی پر فوکس کر یں گی انکو زیادہ سے زیادہ ریلیف دیا جائیگا ‘چوہدری محمد سرو ر کچھ عناصر ملک میں اقتصادی غیریقینی صورتحال پیدا کرنے ... مزید

GB News

کشمیریوں پر ظلم ہورہا، عالمی برادری اہم مسئلے پر آنکھیں بند نہ کرے، سپیکر

Share Button

سپیکر قومی اسمبلی اسد قیصر نے کہا ہے کہ موجودہ پاک بھارت کشیدگی مودی سرکار کی الیکشن جیتنے کی بھونڈی کوشش ہے، اس کشیدگی کے دوران پاکستان کی سیاسی قیادت نے انتہائی صبر و تحمل کا مظاہرہ کیا اور پاکستان کی پارلیمنٹ نے یک زبان ہو کر امن کی کوششوں کی حمایت کی،کشمیر کی بگڑتی صورتحال کو محض دہشتگردی کے تناظر میں نہیں دیکھا جا سکتا، یہ ایک انسانی مسئلہ ہے اور بھارت مقبوضہ کشمیر میں انسانی حقوق کی بدترین خلاف ورزیوں کا مرتکب ہوا ہے جس کو اقوامِ متحدہ کے ادارہ انسانی حقوق نے بھی تسلیم کیا ہے، مسئلہ کشمیر کا منصفانہ حل خطے کے امن کے لیے ناگزیر ہے ،عالمی برادری اس مسئلے سے پہلو تہی نہیں کر سکتی۔ ان خیالا ت کا اظہار انہوں نے ارجنٹائن کے سفیر ایوان ایوانوچ سے گفتگو کرتے ہوئے کیا جنہوں نے جمعرات کے روز پارلیمنٹ ہائوس میں سپیکر سے ملاقات کی۔ انہوں نے کہا کہ اگر بھارتی قابض افواج کشمیری خواتین کی بے حرمتی کرتی رہیں گی اور نہتے کشمیریوں کی جان، مال، عزت و آبرو کی دھجیاں بکھیرتی رہیںگی تو اسے بے ساختہ عوامی غیض و غضب کا سامنا کرنا پڑے گا۔ انہوں نے پاکستان کی طرف سے خطے میں امن کی کو ششوں کا ذکر کرتے ہوئے کہا کہ کرتارپور راہداری منصوبہ اور بھارتی پائلٹ کی رہائی پاکستان کی امن دوستی کے واضح ثبوت ہیں۔ انہوں نے کرتارپور راہداری منصوبے کو خطے میں امن کے قیام کے لیے گیٹ وے قرار دیا۔ انہوں نے سفیر کو پاکستانی حکومت کی جانب سے امن کے قیام اور دہشت گردی کے خاتمے کے لیے کیے جانے والے اقدامات سے آگاہ کرتے ہوئے کہا کہ پاکستان نے دنیا میں امن کی خاطر دہشتگردی کے خلاف جنگ میں لازوال قربانیاں پیش کی ہیں۔ سپیکر نے پاکستان اور ارجنٹائن کے مابین تعلقات کا ذکرتے ہوئے کہا کہ پاکستان اور ارجنٹائن کے مابین دیرینہ دوستانہ تعلقات موجود ہیں جنہیں پاکستان بڑی اہمیت دیتا ہے اور پارلیمانی اور اقتصادی رابطوں میں اضافے کے ذریعے انہیں مزید وسعت دینے کا خواں ہے۔ انہوں نے دونوںممالک کے اراکینِ پارلیمنٹ کے مابین رابطوں میں اضافے کی ضرورت پر زور دیتے ہوئے کہا کہ دونوں ممالک کے اراکینِ پارلیمنٹ دوطرفہ تعلقات کو مْستحکم بنانے میں اہم کردار ادا کرسکتے ہیں۔ ارجنٹائن کے سفیرایوان ایوانوچ نے حالیہ پاک بھارت کشیدگی میں پاکستان کے مدبرانہ کردار کو سراہتے ہوئے کہا کہ ارجنٹائن پاکستان کی جانب سے قیام امن کے لئے کی جانے والی مخلصانہ کاوشوں کو قدر کی نگاہ سے دیکھتا ہے۔ انہوں نے پاکستان کی قومی اسمبلی میں پاکستان ارجنٹائن فرینڈشپ گروپ کے قیام پر مسرت کا اظہار کرتے ہوئے کہا کہ دونوں ملکوں کے پارلیمان میں تعاون اور وفود کا تبادلہ باہمی دوستی کو مزید مضبوط کرے گا۔

Facebook Comments
Share Button