GB News

وزیر اعظم کی سیاحت کے شعبے کی ترقی کیلئے خصوصی توجہ دینا اچھا اقدام ہے ،حاجی اکبر تابان

Share Button

سکردو ( چیف رپورٹر ) سینئر وزیر حاجی اکبر تابان نے سیاحت کی ترقی کیلئے وزیر اعظم عمران خان کی جانب سے اٹھائے گئے اقدامات کو خراج تحسین پیش کیا ہے اور کہاہے کہ ماضی کی حکومتوں نے سیاحت پر کوئی توجہ نہیں دی ہے تاہم وزیر اعظم سیاحت کے شعبے کی ترقی کیلئے خصوصی توجہ دے رہے ہیں جو نہایت اچھا اقدام ہے ہمیں وزیر اعظم کے اس اقدام کی تائید کرنی چاہئے تھی کیونکہ کسی کی جیب سے پیسے نکلانا بڑا مشکل ہوتا ہے لیکن وزیر اعظمسیاحت کی ترقی کیلئے ہر جگہ سے پیسے لے رہے ہیں ٹورزم کانفرنس سے خطاب کرتے ہوئے انہوں نے کہاکہ یہاں کی سیاحت تب ترقی کرے گی جب ہم سیاحوں کو ویلکم کریں گے اور ان کیسا تھ اخلاق سے پیش آئینگے میٹھے بول بولنے سے اچھا تاثر ابھرے گا سیاحت ترقی کرے گی بلتستان پر امن خطہ ہے یہاں کے امن وامان کیلئے ہمارے اسلاف نے بے پناہ قربانیاں دی ہیں ان کی خدمات ناقابل فراموش ہیں انہوں نے کہاکہ چیک پوسٹوں پر سیاحوں سے تفتیش نہیں صرف تفصیلا ت حاصل کرنی چاہئیں انہیں چیک پوسٹوں پر بے جا تنگ کرنے سے سیاحت ترقی نہیں کرے گی ایس سی او سیاحت کی ترقی کیلئے فوری طور پر خطے میں تھری جی اور فور جی سروس شروع کرے انہوں نے کہاکہ ہم نے روایتی کھانے چھوڑ دیئے ہیں جس کی وجہ سے طرح طرح کی بیماریاں پھیل رہی ہیں گزشتہ روز میں گیول گیا تھا وہاں ایک گھر میں 17اپینڈکس کے مریض دیکھے ہمیں روایتی کھانوں کی طرف واپس آنا ہوگا ۔

Facebook Comments
Share Button