GB News

پیپلزپارٹی کاایمنسٹی سکیم کیخلاف سینٹ میں قراردادلانے کااعلان

Share Button

پاکستان پیپلزپارٹی کے مرکزی رہنما سید خورشید احمد شاہ نے حکومت کی ایمنسٹی اسکیم کے خلاف سینیٹ میں قرارداد لانے کا اعلان کرتے ہوئے کہاہے کہ عمران خان کو لانے میں چیف سلیکٹرز سے غلطی ضرور ہوئی ہے لیکن وہ محب وطن ہیں جو جلد اپنی غلطی کا ازالہ بھی کریں گے ہر حکومت نے آئی ایم ایف سے قرضے لیے ہیں لیکن یہ حکومت جن شرائط پر قرضے لے رہی ہے وہ زیادہ ہیں اگر یہ حکومت ہٹ دھرمی پر قائم رہنے کے بجائے سات ماہ پہلے آئی ایم ایف کے پاس چلی جاتی تو اسے آئی ایم ایف کی کڑی شرائط نہ ماننا پڑتیں۔ان خیالات کا اظہار انہوں نے سکھر میں اپنی رہائش گاہ پر میڈیا سے گفتگو کرتے ہوئے کیا انہوں نے مزید کہا کہ یہ حکومت پرویز مشرف کے دَس سالہ دور کا آڈٹ کیوں نہیں کرتی کیونکہ اسے ڈر ہے کہ جس دن اس نے ایسا کیا اس کے دوسرے دن ان کی حکومت نہیں رہے گی ان کا کہنا تھا کہ یہ لوگ ہمیں کہتے تھے کہ ہم ایمنسٹی اسکیم اپنے لوگوں کو بچانے کے لیے لارہے ہیں تو اب یہ بتائیں کہ یہ ایمنسٹی اسکیم کس کو بچانے کے لیے لارہے ہیں مکران واقعہ افسوسناک ہے اس پر ہماری آنکھیں کھل جانی چاہئیں اپوزیشن نہیں چاہتی کہ ملک کے حالات خراب ہوں ان کا کہنا تھا کہ حکومت کو اداروں کو ریاست کی بہتری کے لیے استعمال کرنا چاہیئے اپنے لیے استعمال کرنے سے گریز کرنا چاہیے کیونکہ سیاست ملک کے عوام کی بہتری کے لیے ہوتی ہے جو سچ ہو وہ قوم کے سامنے رکھنا چاہیے۔ وزیر خزانہ قوم کو بتائیں کہ ڈالر کتنے کا ہے اٹھارہویں ترمیم سے صوبے اور وفاق خوش تھے لیکن اس حکومت نے تو سرکاری ملازمین کو بھی خوفزدہ بنا دیا ہے کہ تنخواہ ملے گی بھی یا نہیں ان کا کہنا تھا کہ ملک میں صدارتی نظام آئین کو ختم کرکے ہی لایا جاسکتا ہے

Facebook Comments
Share Button