GB News

بیان بازی پراظہارمذمت، مشیر اطلاعات کیخلاف قانونی کارروائی کا فیصلہ کرلیا ،ہائی کورٹ بار ایسوسی ایشن

Share Button

گلگت(پ ر)مشیر اطلاعات گلگت بلتستان شمس میر کی جانب سے وکلاء اورصحافی برادری کے خلاف بیان بازی پرہائی کورٹ بار ایسوسی ایشن نے مذمت کرتے ہوئے مشیر اطلاعات کے خلاف قانونی کارروائی کا فیصلہ کرلیا ۔ گزشتہ روز مشیر اطلاعات شمس میرکا وکلاء اورصحافی برادری پر سخت تنقید کی تھی جس پر ہائی کورٹ بار گلگت بلتستان نے قانونی کارروائی کا فیصلہ کرتے ہوئے قانونی نوٹسز جاری کردیا اس موقع پر صدر ہائی کورٹ بار منظورحسین ایڈووکیٹ اورسیکرٹری اطلاعات وزیر مظہر حسین ایڈووکیٹ و کابینہ نے مشترکہ بیان جاری کرتے ہوئے کہا کہ سرکاری ملازم شمس میر نے اوقات سے بڑھ کربات کی ہے موصوف حواس باختہ ہو کر وکلاء برادری اورصحافی برادری پرکیچڑا اچھالنے کی کوشش کررہے ہیں، شمس میر کے رویے سے گلگت بلتستان کے غیور عوام واقف ہیں وکلاء اور صحافی برادری نے ہمیشہ مظلوموں کی حمایت کی ہے اور کرتے رہیں گے یہی دو اہم ستون ہیں جو مظلوم کی آواز بن کر شمس میر جیسے مفاد پرست اور پست ذہنیت اورنااہل لوگوں کا اصل چہرہ معاشرے کے سامنے لاتے ہیں موصوف اس قسم کے بیانات دے کر سستی اور جھوٹی شہرت پانے کی ناکام کوشش کرتے ہیں جس کی وکلاء برادری بھرپورمذمت اور قانونی کارروائی کا اعلان کرتی ہے ۔

Facebook Comments
Share Button