GB News

کھرمنگ کی ضروریات پوری کرکے سکردو شہر کو بھی بجلی فراہم کی جائے گی: اکبر تابان

Share Button

کھرمنگ(سرور حسین سکندرسے)وزیر برقیات گلگت بلتستان حاجی اکبر تابان نے سیکرٹری برقیات عبد الوحید شاہ کے ہمراہ ضلع کھرمنگ کا دورہ کیا انہوں نے ون میگاواٹ پاور ہائوس گیمل منٹھوکہ نالہ کا بھی دورہ کیا جہاں ان کے ہمراہ ڈپٹی کمشنر کھرمنگ عباس علی سمیت محکمہ برقیات کے آفیسران منٹھوکہ نالہ پہنچے منٹھوکہ نالہ گیمل پاور ہاوس کے کام کا معائنہ کیا گیمل منٹھوکہ نالہ پاور ہاوس کے متاثرین سے ان کے مسائل بھی سنے متاثرین گیمل منٹھوکہ نالہ پاور ہاوس نے اپنے تحفظات پیش کرتے ہوئے کہا کہ 2015میں ہمارے ساتھ محکمہ برقیات نے ایک معاہدہ کیا تھا جس میں لکھا تھا کہ متاثرین کو ان کی زمینوں کے عوض ایک تا پانچ، سکیل کے تمام ملازمتیں سب سے پہلے متاثرین کو ملے دی جائیگی ساتھ ہی آبپاشی نظام کو بھی متاثر ہونے نہیں دینگے لیکن ابھی تک ان معاہدوں پر عمل نہیں ہوا ہے جس سے متاثرین میں شدید تشویش پائی جاتی ہے ۔متاثرین گیمل منٹھو پاور ہاوس کے مسائل اور مطالبات سننے کے بعد سکریٹری برقیات نے کہا کہ متاثرین کے تمام جائز مطالبات حل کریں گے 2015میں ہونے والے معاہدے کے سلسلے میں جلد ایک کمیٹی تشکیل دینگے جو متاثرین کے مطالبات حل کرنے کے لئے اپنی سفارشات دینگے ۔متاثرین سے گفتگو کرتے ہوئے سینئر وزیر و برقیات حاجی اکبر تابان نے کہا کہ متاثرین کے تمام مطالبات ترجیہی بنیادوں پر حل کریں گے کیونکہ ان لوگوں نے اپنی جائیداد بجلی گھر کی تعمیر کے لئے پیش کر دی ہے متاثرین کی قربانیاں کبھی فراموش نہیں کرینگے انہوں نے کہا کہ منٹھوکہ گیمل اور طولتی پاور ہاؤسز 4 مئی تک مکمل فنکشنل ہوجائیں گے اور جلد ان دونوں بجلی گھروں کا افتتاح کرینگے جس سے کھرمنگ کی ضروریات پوری کرکے سکردو شہر کو بھی بجلی فراہم کی جائے گی ۔وزیر اور سکریٹری برقیات کے مسائل اور مطالبات کی حل کی یقین دہانی پر متاثرین منٹھوکہ گیمل پاور ہاوسز نے سکھ کا سانس لیا ہے۔واضح رہے کہ منٹھوکہ گیمل پاور ہاوس کا کام مئی 2015 میں شروع ہوا تھا جس پر تقریبا چونتیس کڑور روپے لاگت آئی ہے۔

Facebook Comments
Share Button