GB News

چلاس گرین نے جشن بہاراں پولو کپ جیت لیا

Share Button

چلاس گرین کی ٹیم نے جشن بہاراں پولو ٹورنامنٹ سول پول کا ٹائٹل اپنے نام کر لیا فائنل میچ میں چلاس گرین کی ٹیم نے انتہائی دلچسپ اور سنسنی خیز مقابلے کے بعد چلاس ریڈ کی ٹیم کو 3 گول کے مقابلے 8 گول سے شکست دی فاتح ٹیم کے کھلاڑی وسیم کو شاندار کھیل کا مظاہرہ کرنے پر مین اف دی میچ اور شہزادہ کو بہترین گھوڑے کا جبکہ مین آف دی سیریز کا ایوارڈ طفیل کو دیا گیا تفصیلات کے مطابق محمکہ سیاحت کھیل وثقافت کے تعاون سے اور صوبائی وضلعی پولو ایسوسی ایشن کے زیراہتمام آغا خان شاہی پولو گروانڈ میں منعقد ہونے والے جشن بہاراں پولو ٹورنامنٹ کے سول پول کا فائنل چلاس ریڈ اور چلاس گرین کے مابین کھیلا گیا تقریب کے مہمان خصوصی ڈپٹی سپیکر گلگت بلتستان قانون ساز اسمبلی جعفر اللہ خان جبکہ میر محفل کمانڈنگ آفسر ایس سی او کرنل فرہان حبیب تھے اس موقعے پر وزیر سیاحت کھیل وثقافت فداخان فدا, ڈائریکٹر گلگت بلتستان سپورٹس بورڈ حسین علی علی کرنل شریف ایس پی ایکسائز اینڈ ٹیکنیشن معظم علی, ڈپٹی سیکرٹری ٹورازم, اعلی سول اور عسکری افسران,سینئر پولو پلیئرز سمیت شائقین کی کثیر تعداد موجودہ تھیں میچ کے پہلے ہاف میں دونوں ٹیموں کے درمیان اچھا کھیل کا مظاہرہ ہوا پہلے ہاف کے اختتام پر چلاس گرین کی ٹیم کو مخالف ٹیم کے خلاف ایک گول کے مقابلے 4 گول کی سبقت حاصل تھی میچ کے دوسرے ہاف میں چلاس گرین کی ٹیم نے بہترین کھیل کا مظاہرہ کرتے ہوئے مقررہ وقت پر چلاس ریڈ کو 3 گول کے مقابلے میں 8 گول سے شکست دے کر ایونٹ کی ٹرافی اپنے نام کر لیا آخر میں مہمان خصوصی نے ونر اور رنر اپ ٹیم کے کپتانوں کو ٹرافی جبکہ ونر ٹیم کو پچاس ہزار, رنر اپ ٹیم کو چالیس ہزار روپے تقسیم کیں اور دیگر کھلاڑیوں میں کمانڈنگ آفیسر ایس سی او کرنل فرہان حبیب ,وزیر سیاحت کھیل وثقافت فداخان فدا, ڈائریکٹر گلگت بلتستان سپورٹس بورڈ حسین علی, کرنل شریف, ولایت خان, محمد انور, ڈپٹی سیکرٹری ٹورازم, نے انعامات تقسیم کیں جبکہ ایس سی او کی جانب سے ونر ٹیم کو نقد پندرہ ہزار رنر اپ ٹیم کو دس ہزار روپے دیے گئے اور کرنل شریف نے ونر ٹیم کو ساٹھ ہزار روپے دیے کا اعلان کیا۔

Facebook Comments
Share Button