تازہ ترین

Marquee xml rss feed

افغان حکومت کے اعتراضات اب مسترد، وزیراعظم نے افغان طالبان سے ملاقات کا عندیہ دے دیا ٹرمپ سے ملاقات کے بعد صورتحال واضح ہو چکی اس لیے اب افغان طالبان سے ملاقات ہوگی، افغانستان ... مزید-این اے 205 گھوٹکی ضمنی الیکشن، پیپلز پارٹی نے اپ سیٹ کرکے فتح حاصل کر لی حلقے کے تمام 290 پولنگ اسٹیشنز کے غیر سرکاری غیر حتمی نتائج میں پی پی امیدوار سردار محمد بخش مہر نے ... مزید-موسم پھر سے بدلنے لگا، محکمہ موسمیات کی تازہ ترین پیشن گوئی لاہور سمیت ملک کے بیشتر علاقوں میں منگل کی شب سے مون سون بارشوں کا نیا سلسلہ شروع ہوگا جو اگلے کئی روز تک جاری ... مزید-ٹرمپ، عمران خان ملاقات میں تاریخ رقم کر دی گئی پاکستان امریکا تعلقات کے 72 برسوں کے دوران کبھی کس امریکی صدر نے پاکستانی وزیراعظم یا صدر کیساتھ اتنی طویل پریس کانفرنس ... مزید-سچ یہ ہے کہ امریکی صدر سے ملاقات سے قبل کچھ خدشات کا شکار تھا تاہم ڈونلڈ ٹرمپ کیساتھ گزشتہ روز ہوئی ملاقات خوشگوار تجربہ تھی، زندگی میں کبھی کسی نے اتنے مشورے نہیں دیے ... مزید-دورہ امریکہ: عمران خان کی شخصیت کا جادو سر چڑھ کر بولا: صمصام بخاری مسئلہ کشمیر پر شاندار موقف نے بھارت کو لا جواب کر دیا،عمران خان نے ثابت کیا وہ پاکستان کے حقیقی رہنما ... مزید-ایل ڈی اے میں اشد ضرورت کے مطابق انجینئرنگ اورٹیکنیکل سٹاف کی بھرتی کی منظوری شاہکام چوک پر فلائی اوور کی تعمیراورڈیفنس روڈ تا لیبر کالونی توسیعی منصوبہ جلد شروع کرنے ... مزید-پسماندہ علاقوں خصوصاً جنوبی پنجاب کیلئے فلاح عامہ کے منصوبوں کی خود نگرانی کررہا ہوں :عثما ن بزدار تحریک انصاف کی حکومت نے وسائل کا رخ پسماندہ علاقوں کو ترقی یافتہ بنانے ... مزید-وزیراعلیٰ پنجاب عثمان بزدار کا تحریک پاکستان کے کارکن و سابق ہاکی او لمپین خواجہ اسلم کے انتقال پر اظہار تعزیت-وفاقی دارالحکومت میں آئوٹ آف سکولز چلڈرن مہم کے تین ماہ کے دوران 7ہزار بچوں کا سکولوں میں داخلہ کرایا گیا‘ شفقت محمود بچوں میں غذائیت کی کمی کو پوراکرنے کے لئے فوڈ ... مزید

GB News

پاکستان اور انگلیڈ کے درمیان 5 ون ڈے انٹرنیشنل میچز کی سیریز کا پہلا میچ آج کھیلا جائے گا

Share Button

اوول: پاکستان اور انگلیڈ کے درمیان 5 ون ڈے انٹرنیشنل میچز کی سیریز کا پہلا میچ آج کھیلا جائے گا۔ 

پاکستانی کرکٹ ٹیم کی ورلڈ کپ سے قبل ایک اور مشکل آزمائش ہے، انگلینڈ کے خلاف پانچ ون ڈے انٹر نیشنل میچز کی سیریز آج سے شروع ہورہی ہے۔

اوول کا تاریخی میدان پہلے ون ڈے انٹر نیشنل کی میزبانی کرے گا اور ڈے اینڈ نائٹ میچ پاکستانی وقت کے مطابق شام پانچ بجے شروع ہوگا۔

کارڈف میں کھیلے گئے ٹی ٹوئنٹی میں انگلش کپتان این مورگن اور بیٹسمین جوئے روٹ نے جس طرح پاکستانی بولنگ پر حملہ کیا ہے، اس سے لگتا ہے کہ پاکستانی بولروں کو انگلش بیٹنگ کے سامنے سخت امتحان سے گزرنا ہوگا۔

انگلینڈ کے بلے باز اپنی سر زمین پر مشکل ترین حریف ہیں، امکان ہے کہ میچ والے روز بارش ہوسکتی ہے اور ساتھ ہی موسم بھی سرد ہے۔

پاکستانی ٹیم کے کپتان سرفراز احمد کا کہنا ہے کہ انگلینڈ کی ٹیم متوازن ہے، اس لیے سیریز میں کانٹے کا مقابلہ متوقع ہے، کوشش کریں گے کہ انگلینڈ کو شکست دے کر اعتماد کے ساتھ میگا ایونٹ میں اتریں۔

انہوں نے کہا کہ پاکستان ٹیم انگلینڈ کو ہرانے کی صلاحیت رکھتی ہے اور ورلڈ کپ سے قبل ٹیم زیادہ سے زیادہ اعتماد حاصل کرنا چاہتی ہے، کوشش کریں گے کہ اچھی سے اچھی کرکٹ کھیلیں۔

اپنے بیان کپتان کا کہنا تھا کہ دنیا کی دو بہترین ٹیموں کی سیریز میں بیٹنگ اور بولنگ کے ساتھ فیلڈنگ ہی فرق ڈالتی ہے، ٹی ٹوئنٹی میں ہماری فیلڈنگ معیاری نہیں تھی، اس خامی کو دور کرنے کی کوشش کریں گے۔

سرفراز نے کہا کہ انگلینڈ کی ٹیم مضبوط ہے اور سوا سال سے بہت اچھی کرکٹ کھیل رہی ہے لیکن ہم کوشش کریں گے کہ ان کو ٹف مقابلہ دینے کے لیے اچھا کھیلیں، شعیب ملک دوسرے میچ میں ٹیم کو دستیاب ہوں گے۔

سرفراز احمد نے بیٹنگ میں اپنا نمبر پروموٹ کیا ہے اور وہ اب پانچویں نمبر پر کھیلنے آئیں گے۔

پاکستان ٹیم کو گزشتہ دونوں سیریز میں شکست ہوئی تھی، جنوبی افریقا میں پاکستان 2-3 سے ہارا تھا جب کہ متحدہ عرب امارات میں پاکستان کو آسٹریلیا کے ہاتھوں 0-5 سے شرم ناک شکست ہوئی تھی۔

یاد رہے کہ پاکستانی ٹیم ون ڈے کرکٹ میں 2017 کی آئی سی سی چیمپنز ٹرافی کے علاوہ تمام بڑی ٹیموں کے خلاف مشکل سے دوچار رہی ہے اور بھارت کو فائنل میں 180 رنز سے شکست دینے کے بعد پاکستانی ٹیم اوول میں پہلی بار کوئی میچ کھیلے گی۔

میچ کے لیے پاکستان کی ممکنہ ٹیم میں امام الحق، فخر زمان، بابر اعظم، حارث سہیل، سرفراز احمد، آصف علی، عماد وسیم، محمد عامر، فہیم اشرف، حسن علی اور  شاہین شاہ آفریدی شامل ہوں گے۔

انگلش ٹیم میں جیمز ونس، جونی بریسٹو، جوئے روٹ، این مورگن، جوز بٹلر، بین اسٹوکس، جو ڈینلے، عادل رشید،جوفرا آرچر،کرس ووکس اور لائم پلنکٹ شامل ہوں گے۔

Facebook Comments
Share Button