GB News

چیف جسٹس گلزار احمد نے سپریم اپیلٹ کورٹ میں خلاف ضابطہ ملازمتیں دینے سے متعلق آئینی پٹیشن کو باضابطہ سماعت کیلئے منظور کرلیا

Share Button

اسلام آباد ( نمائندہ خصوصی) سپریم کورٹ آف پاکستان کے قائم مقام چیف جسٹس گلزار احمد نے سپریم اپیلٹ کورٹ میں خلاف ضابطہ ملازمتیں دینے سے متعلق آئینی پٹیشن کو باضابطہ سماعت کیلئے منظور کرلیا ہے۔ پیر کے روز جسٹس گلزار احمد کے پاس رجسٹرار آفس میں دائر آئینی پٹیشن جس میں سپریم اپیلٹ کورٹ گلگت بلتستان میں مبینہ طور پر خلاف ضابطہ طور پر تقریباً پچاس افرادکی بھرتیوں کے عمل کو خلاف ضابطہ قرار دیکر گلگت بلتستان کے وکلاء نے رٹ پٹیشن دائر کی۔ جس پر سپریم کورٹ آف پاکستان کے رجسٹرار آفس نے ایک ماہ قبل اعتراض کیساتھ واپس کیا تھا۔ جس کے بعد اعتراضات کو درست کرکے آئینی درخواست دوبارہ رجسٹرار آفس میں دائر کی گئی۔ پیر کے روز عدالت عظمیٰ سپریم کورٹ آف پاکستان کے قائمقام چیف جسٹس گلزار احمد نے آئینی پٹیشن کو درست قرار دیکر سماعت کیلئے منظور کرلیا۔

Facebook Comments
Share Button