تازہ ترین

Marquee xml rss feed

آرمی چیف جنرل قمر باجوہ کی امریکی صدر ڈونلڈ ٹرمپ سے ملاقات دونوں رہنماوں کے درمیان ملاقات امریکی صدارتی محل وائٹ ہاوس میں ہوئی، پرجوش انداز میں ایک دوسرے ساے مصافحہ بھی ... مزید-وزیراعظم کی جانب سے امریکی صدر سے مسئلہ کشمیر پر بات چیت کے بعد کشمیر میں بھی عمران خان کے چرچے عمران خان پہلے لیڈر ہیں جنہوں نے نہتے کشمیریوں کے لیے آواز اٹھائی، علی گیلانی-وزیراعظم عمران خان نے امریکی صدر کو دورہ پاکستان کی باقاعدہ دعوت دے دی ڈونلڈ ٹرمپ نے بنا کسی اعتراض کے دورہ پاکستان کی دعوت فوری قبول کر لی، دورے سے متعلق معاملات بعد ... مزید-امریکہ صدر امریکہ سے زیادہ پاکستانی رپورٹرز کو پسند کرنے لگے میں یہاں کچھ پاکستانی رپورٹرز کی موجودگی چاہتا تھا مجھے وہ اپنے ملک کے رپورٹرز سے زیادہ پسند ہیں، امریکی ... مزید-افغانستان کے معاملے پر پاکستان کے پاس وہ پاور ہے جو دیگر ممالک کے پاس نہیں امریکا پاکستان کے ساتھ مل کر افغان جنگ سے باہر نکلنے کی راہ تلاش کر رہا ہے، پاکستان ماضی میں ... مزید-امریکی صدر نے وزیراعظم عمران خان کیلئے الیکشن مہم چلانے کی خواہش کا اظہار کردیا ہم دونوں اپنے ملکوں کی نئی قیادت کے طور پر ابھر کر سامنے آئے ہیں، عمران خان کے پاس وقت ہے ... مزید-بھارت نے امریکہ سے مسئلہ کشمیر کے حل کے لیے ثالث بننے کی درخواست دینے کی تردید کر دی وزیراعظم نریندر مودی نے ڈونلڈ ٹرمپ سے مسئلہ کشمیر کے حل کے لیے کبھی ثالث بننے کی درخواست ... مزید-امریکی صدر سے ملاقات کے بعد عافیہ صدیقی کی رہائی سے متعلق وزیراعظم کا بڑا اعلان امریکی صدر ڈونلڈ ٹرمپ سے ڈاکٹر عافیہ صدیقی کی رہائی کے معاملے پر بھی بات ہوگی: عمران خان ... مزید-اے ایس ایف کی پیشہ وارانہ کارکردگی اور سرگرمیاں قابل تعریف ہیں وفاقی وزیر ہوا بازی غلام سرور خان کی نیو اسلام آباد انٹرنیشنل ایئرپورٹ کے دورہ کے موقع پر گفتگو-ہر گزرتے دن کے ساتھ وکلاء کی عزت کم ہو رہی ہے، وکلاء پیسہ کمانے کی طرف جانے کی بجائے لوگوں کی خدمت کریں پیسہ خود ان کے پیچھے آئے گا، اگرایک وکیل اور جج ایک دوسرے کو ماریں ... مزید

GB News

ٹیکس نفاذ کیخلاف ملک بھر میں تاجروں کی ہڑتال

Share Button

اضافی ٹیکس اور اس حوالے سے حکومتی پالیسی کے خلاف انجمن تاجران پاکستان کی کال پر ملک بھر میں ہڑتال کی گئی۔

حکومت کی جانب سے ٹیکسٹائل، چمڑے، کارپٹ، اسپورٹس اور سرجیکل آلات کے لیے زیرو ریٹنگ سہولت ختم کرکے واپس 17 فیصد سیلز ٹیکس عائد کرنے اور 50 ہزار سے زائد کسی بھی قسم کی خرید و فروخت میں شناختی کارڈ کا ریکارڈ رکھنے کی شرط کے خلاف تاجر برادری نے احتجاج کیا۔

تاجروں کی جانب سے ملک کے مختلف شہروں میں کہیں مکمل تو کہیں جزوی ہڑتال کی گئی۔

کراچی میں تاجروں کی ہڑتال کی کال پر ملا جلا رحجان دیکھنے میں آیا، بیشتر مرکزی مارکیٹیں اور بازار بند جب کہ کچھ کھلی رہیں۔

ہڑتال کی کال پر الیکٹرونکس مارکیٹ اور موبائل مارکیٹ سمیت مختلف مارکیٹس بند رہیں، شہر میں مین مارکیٹس سے دور مختلف بڑی شاہراہوں پر قائم ہزاروں دکانیں بھی کھلی رہیں جن میں میڈیسن مارکیٹ، اکبر روڈ اور ایمپریس مارکیٹ کیبیشتر دکانیں شامل ہیں۔

طارق روڈ الائنس کی کال پر بھی طارق روڈ کی مارکیٹ بند رہی۔

بند دکانوں کے تاجروں کا کہنا تھا کہ کاروبار مندا ہے اور ایسے میں ٹیکس بڑھانا صحیح حکمت عملی نہیں، ہم ٹیکس دینا چاہتے ہیں لیکن ٹیکس فکس کیا جائے۔

صوبے کے دیگر شہروں لاڑکانہ، ٹھٹھہ، نوابشاہ، حیدرآباد، گھارو، دھابیجی، گجو، مکلی اور میرپور ساکری میں مکمل شٹر ڈاؤن ہڑتال کی گئی جب کہ ہڑتال کے باعث کراچی، حیدرآباد اور سکھر جانے والی پبلک ٹرانسپورٹ بھی بند رہی۔

لاہور سمیت پنجاب کے مختلف شہروں میں حکومت کی ٹیکس پالیسیوں کے خلاف تاجر برادری کی ہڑتال ہوئی، تاجر برادری میں دھڑے بندی کے باوجود زیادہ تر مارکیٹیں بند رہیں۔

لاہور کی ہال روڈ، مال روڈ، لوہامارکیٹ، لنڈا بازار، نولکھا چوک مارکیٹ، شاہ عالم مارکیٹ، اعظم کلاتھ مارکیٹ، فیروزپور روڈ مارکیٹ، عابد مارکیٹ اور انارکلی سمیت دیگر مارکیٹوں میں بھی شٹر ڈاؤن رہا۔

لاہور کے علاوہ ملتان، قصور، اوکاڑہ، پتوکی، ساہیوال، پاکپتن، شیخوپورہ اور ننکانہ صاحب میں بھی کاروبار بند رہا۔

گوجرانوالہ، چیچہ، وطنی، وہاڑی، میاں چنوں، راولپنڈی، خانیوال غلہ منڈی اور  سبزی منڈی میں بھی بازار مکمل طور پر بند رہے۔

قصور، راجن پور اور شورکوٹ میں بھی انجمن تاجران کی جانب سے ٹیکسز کے  خلاف مکمل شٹر ڈاؤن ہڑتال رہی۔

پشاور سمیت صوبے کے مختلف شہروں میں بھی شٹرڈاؤن ہڑتال کی گئی، شہر میں کئی چھوٹی بڑی مارکیٹیں بند رہیں۔

ڈیرہ اسماعیل خان، نوشہرہ، چارسدہ، مہمند، سوات، ایبٹ آباد، ہری پور، ٹانک اور حویلیاں میں بھی پاکسان انجمن تاجران کی کال پر مارکیٹیں اور چھوٹی بڑے کاروباری مراکز بند رہے۔

وفاقی دارالحکومت اسلام آباد میں بھی ٹیکسز کےخلاف تاجروں کی مکمل شٹر ڈاؤن ہڑتال رہی جس کے باعث آبپارہ، سپر، جناح سپر،میلوڈی، کراچی کمپنی، جی ٹین اور جی الیون سیمت تمام کاروباری مراکز بند تھے۔

تاجر رہنماؤں کا مطالبہ

جیو نیوز کے پروگرام ’نیا پاکستان‘ میں تاجر رہنما 50 ہزار سے زائد کی خریداری پر شناختی کارڈ کی کاپی جمع کرانے پر آمادہ نہیں ہیں۔

انہوں نے مطالبہ کیا کہ تاجروں سے فکس ٹیکس لیا جائے۔

ملک بھر کی تاجر برادری کا کہنا ہے کہ مطالبات تسلیم ہونے تک احتجاج جاری رکھیں گے۔

’تاجروں کی بڑی تعداد نے ہڑتال کی کال رد کرکے حب الوطنی کا ثبوت دیا‘

وفاقی وزیر برائے اقتصادی امور حماد اظہر کا کہنا تھا کہ تاجروں کی بڑی تعداد نے ہڑتال کی کال رد کرکے حب الوطنی کا ثبوت دیا ہے لیکن ہم تاجروں کے تمام خدشات دور کریں گے۔

انہوں نے کہا کہ کہ پرچون فروش ملکی جی ڈی پی میں 20 فیصد کے شراکت دار ہیں تاہم پرچون فروشوں کا ٹیکس میں حصہ صرف 0.25 فیصد ہے، اس حقیقت کو تبدیل کیے بغیر ملکی معیشت ٹھیک نہیں ہوسکتی۔

کیمسٹ ریٹیلرز نے مارکیٹیں اور دکانیں کھلی رکھنے کا عندیہ دیا ہے، فلور ملز ایسوسی ایشن نے 17 جولائی تک ہڑتال مؤخر کر دی ہے۔

گزشتہ روز پریس کانفرنس کرتے ہوئے انجمن تاجران کے مرکزی جنرل سیکریٹری کا کہنا تھا کہ ہڑتال سے بھاگنے والے تاجر تاجروں کے غدار ہوں گے، ہڑتال اب ہماری نہیں ملک بھر کے 31 لاکھ تاجروں کی ملکیت ہے۔

Facebook Comments
Share Button