تازہ ترین

GB News

ملک سیاسی اور معاشی انارکی کی طرف بڑھ رہا ہے،شمس میر

Share Button

گلگت(پ ر)مشیر اطلاعات شمس میر نے کہا ہے کہ ملک سیاسی اور معاشی انارکی کی طرف بڑھ رہا ہے اور گلگت بلتستان میں پی ٹی آئی کے خود ساختہ لیڈر ڈینگیں مار رہے ہیں۔مشیر اطلاعات نے کہا کہ مسلم لیگ ن کی صوبائی حکومت نے گلگت بلتستان کو 70 سالہ وزارت امور کشمیر کی غلامی سے نجات دلائی ہے۔ تعمیر و ترقی ، امن اور صوبائی خود مختاری کے 70سالہ خواب کو 4سال میں شرمندہ تعبیر کیا ہے۔ معاشرتی آزادیوں کو یقینی بنایا ہے اور ایک محفوظ گلگت بلتستان کا امیج دنیا کے سامنے آیا ہے۔گلگت بلتستان کے عوام ، عالمی ادارے اور لاکھوں سیاح یہ تسلیم کرتے ہیںکہ گلگت بلتستان نے ستر سالوں کی محرومیوں ، استحصال اور پسماندگی کا سفر طے کرکے ثابت کیا ہے کہ مسلم لیگ ن کی صوبائی حکومت اور وزیر اعلی گلگت بلتستان حافظ حفیظ الرحمن واقعی سچا میر کاررواں ہے جس نے گلگت بلتستان کو امن ترقی اور اصلاحات کا قومی نمونہ بنا کر دکھا دیا ہے۔ انہوں نے کہا کہ اب زمینوں اور ٹھیکوں پر جھوٹا پراپیگنڈا کرکے سیاست کرنے کا زمانہ گزر گیا۔ زمینیں عوام کی ہیں۔ لینڈ ریفارمز اور ایفاد کے ذریعے زمینیں آباد کرکے عوام کو دے رہے ہیں تاکہ جہاں زمینوں کی ملکیت کے مسائل ہوں وہاں سڑکیں اور واٹر چینل بنا کر عوام کو ان کے پائوں پر کھڑا کریںگے۔ مشیر اطلاعات نے کہا کہ وزیر اعلیء حافظ حفیظ الرحمن کا یہ دور گلگت بلتستان میں قیام امن ، تعمیر و ترقی اور گڈ گورننس کی سنہری تاریخ کہلائے گا اور مخالفین کی باتیں تاریخ کا سب سے بڑا جھوٹ کہلائے گا۔

Facebook Comments
Share Button