تازہ ترین

GB News

عالمی عدالت انصاف آج کلبھوشن یادیو کیس کا فیصلہ سنائے گی

Share Button

پاکستانی وفد اٹارنی جنرل کی قیادت میں ہیگ پہنچ گیا، کلبھوشن یادیو کیس کا فیصلہ پاکستانی وقت کے مطابق شام 7 بجے سنایا جائے گا۔تفصیلات کے مطابق عالمی عدالت انصاف بھارتی جاسوس کلبھوشن یادیو کیس کا فیصلہ آج بروز بدھ مورخہ 17 جولائی کو پاکستانی وقت کے مطابق شام سات بجے سنائے گی۔ پاکستان کا وفد اٹارنی جنرل کی قیادت میں ہیگ پہنچ گیا ہے جس میں دفتر خارجہ کے ترجمان ڈاکٹر فیصل بھی شامل ہیں۔آخری سماعت میں دونوں پاک بھارت وفود نے شرکت کی تھی۔ بھارتی وفد کی سربراہی جوائنٹ سیکرٹری دیپک متل نے کی جبکہ پاکستانی وفد کی سربراہی اٹارنی جنرل انور منصورخان نے کی تھی۔سماعت کے دوران بھارت کی طرف سے ہریش سالوے نے دلائل پیش کیے جبکہ پاکستان کی طرف سے خاور قریشی نے بھرپور کیس لڑا۔گزشتہ دنوں دنیا نیوز سے گفتگو میں ترجمان دفتر خارجہ ڈاکٹر محمد فیصل نے کہا تھا کہ عالمی عدالت انصاف میں کلبھوشن کیس بہت اچھا لڑا، نتیجہ بھی اچھا آئے گا، عالمی عدالت کا فیصلہ تسلیم کرینگے۔ان کا کہنا تھا کہ کلبھوشن یادیو کے بارے میں بھارت کوئی ثبوت پیش نہیں کر سکا، فیصلے کے بعد عملدرآمد کے طریقہ کار پر وکلا سے مشاورت کریں گے۔

Facebook Comments
Share Button