تازہ ترین

Marquee xml rss feed

وزیراعلی پنجاب نے تقرر و تبادلوں پر پابندی لگا دی-حکومت کا شرعی قوانین کے تحت احتجاجی مظاہروں کیخلاف مسودہ تیار حکومت نے احتجاجی مظاہرے ’’شریعت اور قانون کی نظرمیں“ کے عنوان سے مسودہ تیارکیا ہے، مسودے کو اگلے ایک ... مزید-دھماکے میں پاکستانی قونصل خانے کا تمام عملہ محفوظ رہا، ڈاکٹر فیصل دھماکا آئی ای ڈی نصب کرکے کیا گیا، قونصل خانے کی سکیورٹی بڑھانے کیلئےافغان حکام سے رابطے میں ہیں۔ ترجمان ... مزید-جلال آباد میں پاکستان سفارت خانے کے باہر دھماکا دھماکے میں ایک سکیورٹی اہلکار سمیت 3 افراد زخمی ہوگئے، دھماکا پاکستانی سفارتخانے کی چیک پوسٹ کے 200 میٹر فاصلے پر ہوا۔ ... مزید-گلوکارہ ماہم سہیل کے گانے سجن یار کی پری سکریننگ کی تقریب کا انعقاد-پاک ہیروز ہاکی کلب کی 55 ویں سالگرہ پر ٹورنامنٹ کا انعقاد-صفائی مہم کے دوران 47 ہزار ٹن کچرا نالوں سے نکالا گیا ہے‘ وفاقی وزیر برائے بحری امور علی زیدی-مودی کے دورہ فرانس پر”انڈیا دہشتگرد“ کے نعرے لگ گئے جب کوئی دورہ فرانس پرتھا، ترجمان پاک فوج کا دلچسپ ٹویٹ، سینکڑوں کشمیری، پاکستانی اورسکھ کیمونٹی کے لوگوں کا ایفل ... مزید-حالیہ پولیو کیسز رپورٹ ہونے کے بعد بلوچستان میں خصوصی پولیو مہم شروع کی جا رہی ہے، راشد رزاق-آئی جی پولیس نے راولپنڈی میں شہری سے فراڈ کے واقعہ کا نو ٹس لے لیا

GB News

ڈیرہ اسماعیل خان :پولیس چیک پوسٹ پردہشتگردوں کی فائرنگ، ڈی ایچ کیو ہسپتال میں خودکش دھماکہ،6 اہلکاروں سمیت 9افراد شہید

Share Button

ڈیرہ اسماعیل خان(مانیٹرنگ ڈیسک،نیوز ایجنسیاں) ڈیرہ اسماعیل خان کی ڈیرہ کوٹلہ سیدان پولیس چیک پوسٹ پردہشتگردوں کی فائرنگ اور ڈی ایچ کیو ہسپتال میں خودکش دھماکے کے نتیجے میں 6 اہلکاروں سمیت 9 افراد شہید جب کہ24زخمی ہوگئے زخمیوں میں سات پولیس اہلکار اور بچے بھی شامل ہیں متعدد زخمیوں کی حالت تشویشناک بتائی جاتی ہے،پولیس کے مطابق صبح پونے آٹھ بجے درابن چیک پوسٹ پر دہشتگردوں نے فائرنگ کی اور دو پولیس اہلکاروں کو شہید کردیاواردات کے بعد دہشت گرد فرار ہوگئے،ایمبولینس لاشوں کو لے کر ڈی ایچ کیوہسپتال پہنچی تو اس دوران ٹراما سینٹر کے گیٹ پر خودکش دھماکہ ہوگیا ،ابتدائی تفتیش کے مطابق جب پولیس اہلکار اور مقامی افراد ایمبولینس کے قریب اکھٹے ہوئے تو برقعہ پوش حملہ آور نے اپنے آپ کو دھماکہ خیز مواد سے اڑا دیاواقعہ کے بعد شہر بھر کے ہسپتالوں میں ایمرجنسی نافذ کردی گئی بڑی تعداد میں زخمیوں کے باعث کئی کو کمبائن ملٹری اسپتال منتقل کیا گیا۔ سی ایم ایچ ذرائع کا کہنا ہے کہ اسپتال میں 22 زخمی اور 5 لاشیں لائی گئی ہیں۔ڈسٹرکٹ پولیس افسر (ڈی پی او) سلیم ریاض کے مطابق دھماکہ کے نتیجے میں 2 مزید پولیس اہلکاروں سمیت 3 شہری شہید ہوئے جبکہ ہسپتال میںعلاج کے دوران زخموں کی تاب نہ لاتے ہوئے مزید 2 پولیس اہلکار جان کی بازی ہار گئے جس کے بعد مجموعی طور پر شہید افراد کی تعداد 9 ہوگئی۔سلیم ریاض کے مطابق خود کش حملے میں سات پولیس اہلکاروں سمیت 24 افراد زخمی ہیں،ڈی ایس پی افتخار شاہ کے مطابق دھماکہ خودکش تھا اور خودکش حملہ آور خاتون تھیں۔ڈی پی او سلیم ریاض کا کہنا تھا کہ خودکش حملہ آور کا خاتون ہونا غیر متوقع تھا،ایک سوال کے جواب میں ان کا کہنا تھا کہ ابتدائی تفتیش کے مطابق دھماکے میں لگ بھگ سات کلو گرام بارودی مواد استعمال کیا گیا جبکہ دھماکے کی جگہ سے ایک خاتون کے بال اور پیر ملے ہیں۔عینی شاہدین کے مطابق خودکش حملہ آور لڑکی کی عمر کم و بیش 15 سال تھی۔پولیس کا کہنا ہے کہ سیکیورٹی فورسز نے علاقے کو گھیرے میں لے لیا اور شہر بھر میں پولیس اور سیکورٹی فورسز کاگشت جاری تھاتحقیقات کے لیے شواہد اکٹھے کرلئے گئے تھے، فائرنگ اورخود کش دھماکے میں شہید 4 اہلکاروں کی نمازجنازہ پولیس لائن میں ادا کردی گئی جس میں کمشنر جاوید مروت سمیت اسٹیشن کمانڈر عمران سرتاج، پولیس افسران اور شہریوں نے شرکت کی،نمازجنازہ کے بعد پولیس شہدائکو سلامی پیش کی گئی جس کے بعد میتیں آبائی علاقوں کو روانہ کردی گئیں۔کالعدم تحریک طالبان نے دونوں واقعات کی ذمہ داری قبول کرلی ہے۔

Facebook Comments
Share Button