تازہ ترین

GB News

چار نئے اضلاع کے لئے 64پوسٹوں کی تخلیق کامعاملہ لٹک گیا

Share Button

گلگت(جنرل رپورٹر)چار نئے اضلاع کے لئے 64پوسٹوں کی تخلیق کامعاملہ لٹک گیا ہے ذرائع کے مطابق محکمہ سروسز نے گلگت بلتستان کے 4نئے اضلاع گوپس یاسین،داریل ،تانگیر اور روندو کیلئے 64پوسٹوں کی تخلیق کے لئے فیصلہ کیا تھا کہ مختلف محکموں میں موجود خالی اسامیاں نئے اضلاع منتقل کردی جائیں ، اس حوالے سے محکمہ سروسز نے مطالبات اعلیٰ حکام کو بھجوائے تو اعتراض کیاگیا کہ تمام محکموں کے سیکرٹریز سے تحریری اجازت نامہ لیا جائے جس کے بعد محکمہ تعلیم،صحت ،ہوم ڈیپارٹمنٹ سمیت دیگرمحکموں کو خط لکھا گیا جس کا کوئی جواب ابھی تک نہیں آیادوسری جانب ذرائع نے یہ بھی انکشاف کیا ہے کہ دو سے تین محکموں نے اپنی اسامیوں کو نئے اضلاع کو دینے سے انکار کردیا ہے جبکہ دیگر محکموں نے ابھی تک کوئی جواب نہیں دیا ہے محکموں کے اعتراض کے بعد نئے اضلاع کیلئے 64پوسٹوں کی تخلیق کا معاملہ لٹک گیا ہے اس حوالے سے ذرائع کا کہنا ہے کہ اسامیاں عارضی طور پر نئے اضلاع منتقل کی جانی ہیں اور بعدمیں نئے اضلاع کے لئے باقاعدہ اسامیوں کی تخلیق پر ان اسامیوں کو متعلقہ محکموں کوواپس کردیا جانا ہے۔محکموں کی جانب سے اعتراض کے بعد حکام نے متبادل آپشنز کی تلاش شروع کردی ہے۔

Facebook Comments
Share Button