تازہ ترین

GB News

وزراء نااہلی چھپانے کیلئے اسمبلی اجلاس میں نہیں آتے،اپوزیشن لیڈر

Share Button

گلگت (نمائندہ خصوصی) قائد حزب اختلاف کیپٹن (ر) محمد شفیع خان نے کہا ہے کہ حکومتی وزراء اپنی نااہلیوں کی وجہ سے اسمبلی اجلاس سے غیر حاضر رہتے ہیں اور اسمبلی کا کورم پورا نہیں ہوتا.دوسری جانب گزشتہ روز کے اجلاس میں ڈپٹی سپیکر جعفر اللہ خان نے قانون کا مذاق بنا دیا۔اگر کورم پورا نہیں ہوتا ہے تو سپیکر پہلے مرحلے میں 15 منٹ کا وقفہ دیتا ہے اور دوسری بار بھی کورم پورا نہیں ہوتا ہے تو 30 منٹ کا وقفہ دیا جاتا ہے اور دوسرے وقفے کے بعد بھی کورم پورا نہیں ہوتا ہے تو پھر سپیکر کا اختیار ہوتا کہ وہ اجلاس کو ملتوی کرے۔ گزشتہ روز ڈپٹی سپیکر خود آدھا گھنٹہ لیٹ آئے اور قانون کی پامالی کرتے ہوئے اجلاس کو غیر معینہ مدت کے لئے ملتوی کر دیا۔ گزشتہ روز کے اجلاس میں کشمیر کے معاملے پر بحث ہونے والی تھی اس اہم اجلاس میں حکومتی وزراء کا اجلاس سے غائب ہونا سوالیہ نشان ہے۔ انہوں نے ان خیالات کا اظہار میڈیا کے لئے جاری اپنے ایک بیان میں کیا ہے۔ انہوں نے کہا ہے ایک طرف وزراء غائب ہوتے ہیں تو دوسری جانب جعفر اللہ نے قانون کا مذاق بنایا ہوا ہے۔گلگت بلتستان میں اضافی حلقوں کی قرارداد اور حلقہ نمبر 3 کو ڈسٹرکٹ بنانے کی قرارداد کو بھی جعفر اللہ نے جان بوجھ کر ہاوس بزنس ایڈوائزری سے خارج کر وادیا ہے اورعوامی نوعیت کے تمام معاملات میں رکاوٹ بنے ہوئے ہیں

Facebook Comments
Share Button