تازہ ترین

GB News

گلگت میں جشن آزادی کی تقریب کے دوران دیوار گرنے سے 5افراد شہید اور 18افراد زخمی ہوگئے

Share Button
گلگت(نمائندہ خصوصی)گلگت میں جشن آزادی کی تقریب کے دوران دیوار گرنے سے 5افراد شہید اور 18افراد زخمی ہوگئے،زخمیوں کو سی ایم ایچ میں داخل کرادیا گیا ،ڈاکٹروں کے مطابق 2زخمیوں کی حالت تشویشناک ہے،تفصیلات کے مطابق منگل کی شب گلگت میں جشن آزادی کی تقریب جاری تھی کہ اس دوران اچانک دیوار تقریب کے شرکا پر آگری جس سے بھگدڑ مچ گئی،دیوار گرنے سے پانچ افراد جام شہادت نوش کرگئے شہید ہونے والوں میں  تیرہ سالہ  علی ولدغلام حسین،تیرہ سالہ امجد ساکن اوشکھنداس،کریم اللہ ساکن جوٹیال،ذاکرحسین ساکن دنیور شامل ہیں جبکہ ایک شہید کی شناخت آخری اطلاعات تک نہیں ہوسکی تھی،ریاض خان اور نائیک مجاہدسمیت تین افراد شدید زخمی ہوگئے،جبکہ لانس نائیک ریٹائرڈ ظفراللہ،سپاہی شعیب،حوالدار ریٹائرڈ غلام عباس،علی افضل،ثقلین نور،لیاقت علی،غلام عباس،شہزاد،امجدعلی،نیت  پانا،نعیم عباس،شیرامین،ظفر اللہ خان،شعیب،زوہیر،ایان حیدر،زرخان اورزوجہ شعیب سلطان کو معمولی زخم آئے ، حادثہ ہوتے ہی پاک فوج کے جوانوں نے امدادی سرگرمیاں شروع کردیں لاشوں اور زخمیوں کو سی ایم ایچ منتقل کردیا گیا کمانڈر ایف سی این اے میجر جنرل احسان محمود خان،ڈپٹی سپیکر جعفر اللہ خان،وزیرتعمیرات ڈاکٹر اقبال،سیکرٹری داخلہ بھی  ہسپتال پہنچ گئے اور زخمیوں کی عیادت کی،کمانڈر ایف سی این اے نے ہسپتال انتظامیہ کو ہدایت کی کہ زخمیوں کو علاج معالجے کی بہترین سہولیات فراہم کی جائیں
Facebook Comments
Share Button