تازہ ترین

GB News

امریکہ سے مذاکرات کامیاب، 98 فیصد مطالبات مان لئے گئے، طالبان کا دعویٰ

Share Button

افغان طالبان نے دعویٰ کیا ہے کہ قطر میں امریکا کے ساتھ ہونے والے مذاکرات کامیاب ہو گئے ہیں۔ طالبان ذرائع کے مطابق امریکا نے ان کے 98 فیصد مطالبات مان لیے ہیں۔ذرائع کا کہنا ہے کہ طالبان اور امریکا کے درمیان مکمل فائر بندی ہو گی، امریکی اور نیٹو افواج افغانستان میں اپنے آپریشنز روک دیں گی۔طالبان ذرائع کا کہنا ہے کہ معاہدے کا باضابطہ اعلان آج متوقع ہے اور اس اعلان کے بعد افغان انٹرا ڈائیلاگ شروع ہوں گے۔افغان طالبان کا کہنا ہے کہ ہم افغانستان کا نام اسلامی امارات افغانستان رکھنا چاہتے تھے اور امریکا مان گیا کہ طالبان حکومت بنانے کے بعد افغانستان کا نام اسلامی امارات افغانستان رکھ لیں۔ترجمان افغان طالبان کے مطابق انٹرا افغان مذاکرات افغان سیاسی نظام سے ہونگے۔ طالبان انٹرا افغان مذاکرات میں کوئی مطالبات نہیں رکھیں گے۔افغان فورسز اور سیاسی تنظیموں سے مذاکرات میں ناکامی پر افغان طالبان دوبارہ جنگ کرنے میں حق بجانب ہونگے۔

Facebook Comments
Share Button