تازہ ترین

GB News

شہداءکی قربانیاں کبھی نہیں بھولی جائینگی،جسٹس ارشد حسین شاہ

Share Button

سپریم اپیلیٹ کورٹ برانچ رجسٹری سکردو میں یوم دفاع پاکستان کے حوالے سے ایک پروقار تقریب کا اہتمام کیا گیا ، تقریب میں سید ارشد حسین شاہ چیف جج سپریم اپیلٹ کورٹ گلگت بلتستان نے پرچم کشائی کی اس موقع پر سول انتظامیہ اور عدلیہ کے اعلیٰ حکام، وکلاءکی کثیر تعداد نے شرکت کی۔ اس موقع پر وطن کی خاطر جان کا نذرانہ پیش کرنے والے شہداءکو خصوصی پر خراج عقیدت پیش کیا گیا ، اس تقریب سے چیف جج جسٹس سید ارشد حسین شاہ نے اپنے خطاب میں کہا کہ شہداءکی یہ عظیم قربانی کبھی نہیں بھولی جائے گی اس موقع پر افواج پاکستان اور سول سوسائٹی کے شہداءکو بھی خراج عقیدت پیش کیا اور اس بات کا اعادہ کیا گیا کہ اگر ملک و قوم کیلئے جب بھی ضرورت ہوئی ہر قسم کی جانی و مالی قربانی سے دریغ نہیں کیا جائیگا۔ تقریب سے محمد اقبال ایڈووکیٹ جنرل گلگت بلتستان، نثار قادر ایڈووکیٹ وائس پریزیڈنٹ سپریم اپیلٹ کورٹ بار ایسوسی ایشن اور یاسین ملک ایڈووکیٹ سینئر نائب صدر چیف کورٹ بار ایسوسی ایشن گلگت بلتستان نے اپنے جذبات کا اظہار کیا اس موقع پر مقررین نے اپنے کشمیری بھائیوں کے ساتھ اظہار یکجہتی کرتے ہوئے مودی حکومت کی ظالمانہ اور منصفانہ کارروائیوں کی بھرپور مذمت کی اور ایمنسٹی انٹرنیشنل اور انسانی حقوق کی عالمی تنظیموں سے نوٹس لینے کا مطالبہ کیا ، اس موقع پر افواج پاکستان کے ساتھ بھرپور اظہار یکجہتی کا مظاہرہ کیا گیا۔

Facebook Comments
Share Button