تازہ ترین

GB News

غذر،خودکشی کے بڑھتے واقعات کی تحقیقات شروع، تین افراد گرفتار

Share Button

غذر پولیس نے خودکشیوں کے واقعات کو روکنے کے لئے جامع حکمت عملی پر کام کا آغاز کردیا ہے گوپس تھانہ کے ایس ایچ او برکت اللہ نے گزشتہ دنوں ہمرن بتھریت میں دو خواتین کی خودکشیوں کے واقعات پر تحقیقات کا آغاز کرتے ہوئے تین افراد کو گرفتار کرلیا ہے ہمرن سے تعلق رکھنے والی خاتون کی خودکشی کے پیچھے ان کے شوہر کا بے جاءتشدد وجہ بنا جبکہ دوسری خاتون کو بھی ان کے بھائی اور شوہر مل کر تشدد کرتے تھے جس سے تنگ آکر متوفیہ نے خودکشی کی اور اپنی زندگی کا چراغ گل کردیا گوپس پولیس نے خودکشی کے دونوں واقعات کے پیچھے موجود محرکات کو جاننے کے لئے مزید تحقیقات کا آغاز کردیا ہے ادھر ایس ایس پی غذر سلطان فیصل نے تمام ایس ایچ اوز کو ہدایت جاری کی ہے کہ وہ اپنے متعلقہ علاقوں میں خودکشیوں کے واقعات کے پیچھے عوامل کو جاننے کے لئے اقدامات اٹھائیں اور جہاں بھی خودکشی کا واقعہ رونماءہوگا ان کے خاندان کو بھی شامل تفتیش کیا جائے۔

Facebook Comments
Share Button