تازہ ترین

GB News

بقایہ جات کی عدم ادائیگی پر ٹھیکیداروں کا چیف سیکرٹری آفس کے باہر علامتی احتجاجی دھرنا

Share Button

گلگت(نمائندہ خصوصی)بقایہ جات کی عدم ادائیگی پر ٹھیکیداروں نے چیف سیکرٹری آفس کے باہر علامتی احتجاجی دھرنا دیا اور بقایہ جات کی فوری ادائیگی کا مطالبہ کیا گیا ۔جنرل سیکریٹری کنٹریکٹر ایسوسی ایشن مرتضیٰ علی و دیگر نے علامتی احتجاجی دھرنے کے دوران کہا کہ آج کا یہ دھرنا علامتی احتجاج ہے مطالبات منظور نہ ہوئے تو احتجاج کو پورے گلگت بلتستان میں پھیلایا جائے گا 10 اکتوبر تک بقایہ جات کی عدم ادائیگی پر تمام کام کو چھوڑ کر احتجاج کیا جائے گا ہمارے پاس کوئی بھی اب راستہ نہیں ہے چھوٹے ٹھیکیداروں نے بنکوں سے قرضے لیکر کام کرایا ہے اور اب بنک والوں کو بروقت ادائیگی نہ ہونے پر جیل بجھوانے کے لیئے ہتھکڑیاں لیکر گھوم رہے ہیں حکومت کے اس اقدام کے بدولت ٹھیکیدار برادری میں سخت مایوسی کی لہر پائی جا رہی ہے اور ہم علامتی احتجاج اس لئے کر رہے ہیں کہ جو ہمارے ساتھ زیادتی ہو رہی ہے اس کو فوری نوٹس لیا جائے اور اگر نوٹس نہیں لیا گیا تو 10 اکتوبر کو پورے گلگت بلتستان میں سخت احتجاج کیا جائے گا اور اس دوران جو بھی مسائل سامنے آئینگے اس کی ذمہ داری حکومت پر عائد ہوگی ۔

Facebook Comments
Share Button