تازہ ترین

GB News

افغانستان، تین طالبان کے بدلے امریکی، آسٹریلوی مغوی رہا

Share Button

طالبان نے 2مغربی مغوی اور افغان حکومت نے3طالبان رہنماﺅں کورہاکردیا۔تفصیلات کے مطابق انس حقانی سمیت طالبان کے 3سینئر رہنماﺅں کو بگرام جیل سے رہا کیا گیا بعد ازاں تینوں دوحہ منتقل کیے گئے۔ رہائی پانے والے رہنماں میں انس حقانی، حاجی ملک اور حافظ رشید شامل ہیں جنہیں 2014 میں اہم کارروائی کے دوران گرفتار کیا گیا تھا۔دوسری جانب افغان طالبان نے اپنے تین رہنماﺅں کی رہائی کے بدلے مغوی آسٹریلوی اور امریکی شہری آزاد کردیے۔ غیرملکی شہریوں کو اغوا کرکے افغان صوبے زابل میں رکھا گیا تھا، امریکی میڈیا نے رہائی کی تصدیق کردی۔غیر ملکی خبررساں ادارے کے مطابق آسٹریلوی اور امریکی شہری افغانستان میں امریکی فورسز کے ساتھ اور خیریت سے ہیں، طالبان نے ایک امریکی اور ایک آسٹریلوی پرفیسرز کو تین سال قبل اغوا کیا تھا۔ امریکی پروفیسر کا نام کیون کنگ اور آسٹریلوی پروفیسر کا نام ٹموتھی ویکز ہے جو کابل میں امریکی یونی ورسٹی کے اساتذہ تھے اور 2016 میں انہیں کابل میں امریکی یونی ورسٹی کے باہر سے اغوا کیا گیا تھا۔

Facebook Comments
Share Button