تازہ ترین

GB News

چین میں پھنسے پاکستانی تاجروں کے معاملے کی اسمبلی میں گونج

Share Button

گلگت( جنرل رپورٹر)صوبائی وزیر قانون اورنگزیب ایڈووکیٹ نے ایوان کو یقین دہانی کرائی ہے کہ وہ چین میں پھنسے پاکستانی تاجروں کے معاملے پر فوری طور پر محکمہ داخلہ کے حکام سے ملاقات کرکے آج ایوان کوآگاہ کریںگے، پیر کے روز قانون سا ز اسمبلی کے سیشن میں پیپلزپارٹی کے رکن اسمبلی جاوید حسین کی جانب سے توجہ دلائو نوٹس پر جواب دیتے ہوئے وزیر قانون نے کہا کہ مجھے میڈیا اور سوشل میڈیا کے ذریعے معلوم ہوا کہ چین میں درجنوں پاکستانی تاجر پھنسے ہوئے ہیں، میں اس ایوان کو یقین دلاتاہوں کہ اجلاس کے فوری بعد ہوم ڈیپارٹمنٹ کے حکام سے ملاقات کرکے صورتحال سے منگل کو ایوا ن کو آگاہ کروں گا۔ اس سے پہلے جب اجلاس شروع ہوا تو رکن اسمبلی جاوید حسین نے ایک توجہ دلائو نوٹس پیش کرتے ہوئے ایوان کو بتایا کہ پاک چین بارڈ رتیس نومبر سے بند ہوچکا ہے جس کی وجہ سے 80تاجر چین میں پھنسے ہوئے ہیںان کے ساتھ کئی کنٹینر بھی سامان سمیت موجود ہیں، تاجروں کے پاس پیسے ختم ہورہے ہیں کیونکہ چینی کرنسی کے لحاظ سے وہاں بہت مہنگائی ہے، پروٹوکول ایگریمنٹ کے تحت سرحد کی بندش کے بعد پھنسے ہوئے تاجروں کو نکالنے کی ذمہ داری چین کی ہے لیکن وہاں پاکستانی تاجروں کاکوئی پرسان حال ہی نہیں، اگر یہ سلسلہ جاری رہا تو تاجر چینی کنٹینر کو بھی بند کر دینگے، اس صورت میں امن و امان کا مسئلہ پیدا ہو سکتا ہے لہٰذا میرا مطالبہ ہے کہ وزارت داخلہ اور خارجہ کے حکام سے رابطہ کرکے اس مسئلے کا حل نکالا جائے۔

Facebook Comments
Share Button