تازہ ترین

GB News

بلاول بھٹو کا آصف زرداری کی طبی بنیادوں پر ضمانت کیلئے درخواست دائر کرنے کا اعلان

Share Button

اسلام آباد(آئی این پی)پاکستان پیپلز پارٹی کے چیئرمین پیپلزپارٹی بلاول بھٹو نے اپنے والد آصف علی زرداری کی (آج)منگل کوطبی بنیادوں پر ضمانت کیلئے درخواست دائر کرنے کا اعلان کرتے ہوئے کہا ہے کہ آصف علی زرداری کی طبیعت بدستورناساز ہے، آصفہ بھٹو نے والد کو ضمانت کیلئے قائل کیا، سرکاری ڈاکٹرزقابل ضرور ہونگے مگر ہمیں ان پر زیادہ اعتبار نہیں ہے، ن لیگ نے اپوزیشن سے مشاورت کے بعدچیف الیکشن کمشنر کیلئے3نام بھجوائے، آرمی چیف کی تعیناتی سے متعلق سپریم کورٹ کے تفصیلی فیصلے کے منتظر ہیں،آئینی ترمیم تب ہوگی جب نیا وزیراعظم ہوگا ، وزیراعظم کے رویے سے لگتا ہے وہ قانون سازی کے لیے اتفاق رائے نہیں چاہتے،حکومت ہر معاملے میں غیر سنجیدگی کا مظاہرہ کرتی ہے۔پیر کو پمز ہسپتال میں اپنے والد کی عیادت کے بعد میڈیا سے گفتگو کرتے ہوئے چیئرمین پیپلزپارٹی بلاول بھٹو زرداری کا کہنا تھا کہ آصف علی زرداری کی طبیعت تشویشناک ہے جبکہ ہماری جانب سے ذاتی معالجین کا وقت پر انتظام نہیں ہوسکا۔ہمیں امید ہے کہ سابق صدر کو طبی بنیادوں پر جلدازجلد ضمانت مل جائے گی ۔بلاول بھٹو زرداری نے کہا کہ آصف زرداری کے ساتھ تفصیلی ملکی سیاسی حالات پر گفتگو ہوئی ہے۔انہوں نے کہا کہ پیپلزپارٹی نے فیصلہ کیا ہے کہ 27دسمبر کو بے نظیر بھٹو کی برسی لیاقت باغ راولپنڈی میں منائی جائیگی۔آرمی چیف جنرل قمر جاوید باجوہ کی مدت ملازمت میں توسیع سے متعلق چیئرمین پیپلزپارٹی کا کہنا تھا کہحکومت تین ماہ میں ایک نوٹیفکیشن نہ بنا سکی، مجھے نہیں لگتاہے کہ حکومت 6 ماہ میں قانون سازی پراپوزیشن کواعتماد میں لے پائے گی۔ آرمی چیف کی تعیناتی سے متعلق سپریم کورٹ کے تفصیلی فیصلے کے منتظر ہیں، امید ہے عدالتی فیصلے سے ہمیں رہنمائی ملے گی۔ وزیراعظم کے رویے سے لگتا ہے وہ قانون سازی کے لیے اتفاق رائے نہیں چاہتے، وزیراعظم اپوزیشن رہنماوں پر دبائوڈالنا چاہتے ہیں، انہوں نے پہلے بھی دوسرے معاملات میں اتفاق رائے پیدا نہیں کیا اور ہر معاملے میں غیر سنجیدگی کا مظاہرہ کرتے ہیں۔انہوں نے کہا کہ آئینی ترمیم تب ہوگی جب نیا وزیراعظم ہوگا ۔

Facebook Comments
Share Button