خطے میں امن کیلئے فعال کردار ادا کرنے پر ٹرمپ کا شکریہ: وزیراعظم

وزیراعظم محمد شباز شریف نے کہا کہ پاکستان خطے میں امن کیلئے کلیدی کردار ادا کرنے پر صدر ٹرمپ کا شکر گزار ہے۔سماجی رابطے کی سائٹ ایکس پر اپنے پیغام میں وزیراعظم شہباز شریف نے کہا کہ پاکستان امریکا کا اس پیش رفت میں سہولت کاری پر شکریہ ادا کرتا ہے، پاکستان نے علاقائی امن و استحکام کے مفاد میں اس فیصلے کو قبول کیا ہے۔شہباز شریف نے کہا کہ پاکستان نائب صدر جے ڈی وینس اور سیکرٹری مارکو روبیو کے کردار کو سراہتا ہے۔پاکستان کا کہنا ہے کہ یہ جنوبی ایشیا میں امن کی نئی شروعات ہے، یہ پیش رفت خطے میں امن، خوشحالی اور استحکام کی راہ ہموار کرے گی۔