گلگت بلتستان میں لاپتہ سیاحوں کوتلاش کرلیاگیا

گلگت (آئی این پی)گلگت بلتستان میں لاپتہ ہونے والے سیاحوں کو تلاش کر لیا گیا۔ترجمان گلگت بلتستان حکومت کے مطابق سیاحوں سے گزشتہ دو روز سے رابطہ نہیں ہو رہا تھا ان سیاحوں کی گاڑی بابو سرٹاپ کے قریب خراب ہوگئی تھی، پولیس اور ریسکیو نے سیاحوں کو سی سی ٹی وی کی مدد سیتلاش کیا۔ترجمان فیض اللہ فراق نے کہا کہ سیاحوں نے گلگت بلتستان حکومت اور پولیس کا شکریہ ادا کیا، سیاحوں سے گزارش ہے اپنی گاڑیوں کی مقررہ چیک پوسٹوں پررجسٹریشن کرائیں تمام سیاح اپنے گھر والوں اور کنٹرول رومز سے رابطے میں رہیں۔ان کا کہنا تھا کہ سیاحوں سے گزارش سے کہ نشیبی علاقوں کا رخ نہ کریں۔