سینیٹ کی ٹکٹ کیلئے پی ٹی آئی میں بولیاں لگیں، عظمی بخاری

وزیر اطلاعات پنجاب عظمی بخاری نے کہا ہے کہ خیبرپختونخوا کے سینیٹ کی ٹکٹ کیلئے پی ٹی آئی میں بولیاں لگی ہیں۔میڈیا سے گفتگو میں عظمی بخاری نے کہا کہ پارٹی ورکرز ہار گئے نوٹوں کی چمک جیت گئی، پی ٹی آئی رہنماں اور کارکنوں نے اپنی لیڈرشپ کے پول کھول دیئے ہیں۔انہوں نے کہا کہ ہارس ٹریڈنگ کی مخالف جماعت سب سے بڑی ہارس ٹریڈنگ کی حمایتی ہے، بانی پی ٹی آئی بھی سینیٹ ٹکٹوں کی خرید وفروخت سے باخبر ہیں، تحریک انصاف کے نظریاتی ورکرز سے دلی ہمدردی ہے۔وزیر اطلاعات پنجاب نے کہا کہ خیبرپختونخوا میں تحریک انصاف تیزی سے غیرمقبول ہوتی جارہی ہے، خیبرپختونخوا کے نوجوانوں کو بھی سمجھ آگئی تحریک انصاف نے ان کو صرف دھرنے اور احتجاجی مظاہروں میں استعمال کیا ہے۔