بیوی یا خاتون کو عزت نہ دینے والامرد نہیں ہوسکتا، جان ریمبو

معروف اداکار جان ریمبو کا کہنا ہے کہ اپنی بیوی یا کسی بھی خاتون کو عزت نہ دینے والا شخص کبھی مرد ہو ہی نہیں سکتا۔ ایک ٹی وی پروگرام میں گفتگو کرتے ہوئے ریمبو نے بتایا کہ انہوں نے پہلی بار اہلیہ صاحبہ کو کیسے شادی کی پیش کش کی تھی؟اداکار کے مطابق دونوں نے جب پہلی بار ایک ساتھ فلم کی، تب ہی انہیں صاحبہ پسند آگئی تھیں تاہم فلم کی شوٹنگ کے دوران ہی صاحبہ کو واضح طور پر کہا کہ وہ ان سے شادی کرنا چاہتے ہیں لیکن ان کی بات نہ بنی اور اداکارہ ان سے دور رہنے لگیں۔جان ریمبو کا کہنا تھا کہ بعد ازاں صاحبہ بھی ان کے قریب آنے لگیں اور دونوں کے درمیان قربتیں بڑھنے لگیں، پھر دونوں نے شادی کرلی۔ایک سوال کے جواب میں جان ریمبو کا کہنا تھا کہ وہ اہلیہ سے ڈرتے نہیں ہیں، البتہ ان کی عزت کرتے ہیں، انہیں پیار دیتے ہیں اور اہلیہ بھی انہیں اتنی ہی عزت اور پیار دیتی ہیں۔جان ریمبو نے مزید کہا کہ جس طرح بیوی اپنے شوہر کی عزت کرتی ہیں، اسی طرح شوہروں کو بھی چاہیے کہ وہ اپنی بیویوں کی عزت کریں، عزت اور محبت بیویوں کا حق ہے، جو انہیں ملنا چاہیے۔ان کے مطابق جو افراد بیوی یا خاتون کی عزت نہیں کرتے، وہ مرد ہو ہی نہیں سکتے۔