بانی پی ٹی آئی کی رہائی کے لئے جہاں سے دبا ﺅآیا وہاں سے پہلے دبا ﺅنہیں آیا، جاوید لطیف

مسلم لیگ( ن) کے رہنما جاوید لطیف کا بانی پی ٹی آئی کی رہائی کے لئے دباﺅ کے حوالے سے بڑا بیان آگیا ، جس میں انھوں نے کہا بانی کی رہائی کے لئے جہاں سے دباﺅ آیا وہاں سے پہلے دباﺅ نہیں آیا۔جاوید لطیف نے ایک ٹی وی انٹرویو میں گفتگو کرتے ہوئے کہا کہ ٹرمپ کے آنے سے نہ ہمیں خوشی ہے نہ ڈر، مجھے پریشانی نہیں کہ ٹرمپ انتظامیہ سے سفارتی تعلقات بہتر کرکے دباﺅ کم کریں گے۔ن لیگی رہنما کا کہنا تھا کہ بڑا کلیئر ہوں دبا تھا اور ہے، ایسا دباﺅ کبھی ذوالفقاربھٹو اور نوازشریف کیلئے نہیں آیا، پاکستان میں دوست ممالک کی جانب سے دباﺅ آتا رہا ہے، مارشل لا، ذوالفقاربھٹو، نواز شریف کے معاملے پر بھی دبا آتے رہے لیکن جہاں سے دبا آج ہے، وہاں سے پہلے دباﺅ نہیں آیا۔انھوں نے کہا کہ نواز شریف نے ایسا کیا کیا تھا کہ کلنٹن نے ان کے لئے جدوجہد کی، بانی پی ٹی آئی کو ایوارڈ دیا جاتا کہ اس نے ساڑھے 3 سال سی پیک بند رکھا۔جاوید لطیف نے بتایا کہ حمید گل پی ٹی آئی کی بنیاد رکھنے والوں میں سے ہیں اور بانی پی ٹی آئی کو لانچ کرنے والوں میں سے ہیں لیکن حمید گل بانی پی ٹی آئی کا اصل چہرہ سامنے آنے پر پیچھے ہٹ گئے تھے۔امریکا کا ذکر کرتے ہوئے ان کا کہنا تھا کہ بانی پی ٹی آئی کے ڈونلڈ ٹرمپ پر احسانات ہیں، امریکا چاہتا تھا کشمیر ایشو پر پاک بھارت کا مسئلہ حل ہو، بانی پی ٹی آئی کشمیر ایشو پر مسئلہ حل کرکےآئے، ٹرمپ نے بانی پی ٹی آئی کو ثالث مقرر کیا اور بھارت نے مقبوضہ کشمیر پر قبضہ کرلیا۔مسلم لیگ ن کے رہنما نے کہا کہ نوازشریف کو سی پیک اور نیوکلیئر پاور بنانے کی سزادی گئی، نوازشریف اور بانی کی رہائی کی کوشش پر دیکھا جائے ملک کے مفاد کا کیا سودا ہوا۔ان کا کہنا تھا کہ صرف فیض حمید سے کام نہیں چلے گا سب کچھ سامنے لانا پڑے گا، جوڈیشل کمیشن ہو یا کمیٹی دیانتداری سے احاطہ تو سب کا کرنا ہوگا ، سازش کس نے کہاں سے کی، اداروں کے ترجمان بھی پورا سچ نہیں بول رہے، فیض حمید کو گرفتار کر کے سمجھتے ہیں ساری سازش بے نقاب ہوگئی