Image

سکردو میں برف پگھلنے سے پانی کی سطح میں اضافہ ہورہا ہے، شیری رحمان

 وفاقی وزیر موسمیاتی تبدیلی شیری رحمان نے کہا ہے کہ اسکردو میں برف پگھلنے کی وجہ سے پانی کی سطح میں مسلسل اضافہ ہورہا ہے۔جمعہ کو سماجی رابطے کی ویب سائٹ ٹوئٹر پر شیری رحمان نے ہنزہ میں گرمی کی شدت بڑھنے سے گلیشیئر پگھلنے کے حوالے سے بات کرتے ہوئے کہا کہ بروقت ٹیم ورک نے جانوں کے ضیاع کو روکا ہے۔ انہوں نے کہا کہ جی بی انتظامیہ اور ڈی ڈی ایم اے کو چوکس رہنے کیلئے الرٹ کیا گیا ہے، کیونکہ برف پگھلنے کی وجہ سے پانی کی سطح غیر مستحکم ہے۔ وفاقی وزیر کا کہنا ہے کہ برف پگھلنے کی وجہ سے پہاڑی، ندی نالوں میں پانی کی سطح میں مسلسل اضافہ ہورہا ہے۔ شیری رحمان نے مزید کہا کہ برف پگھلنے کی وجہ سے اسکردو کی ایک جھیل میں خوفناک سیلاب ہے۔