پشاور(آئی این پی)گورنر خیبرپختونخوا فیصل کریم کنڈی نے کہا ہے کہ بانی پی ٹی آئی کے بچے قانون ہاتھ میں لیں گے تو گرفتار کیا جائے گا ۔بانی پی ٹی آئی کے بچوں کو استثنی حاصل نہیں۔صحافیوں سے گفتگو کرتے ہوئے گورنر کے پی نے کہا کہ تحریک انصاف کے حالیہ احتجاج ناکام رہے، بانی پی ٹی آئی کے بچے پرامن احتجاج کرتے ہیں تو ٹھیک ہے۔ اگر بچے قانون ہاتھ میں لیتے ہیں تو قانون کے تحت نمٹا جائے گا۔ بانی پی ٹی آئی کے بچے ان ٹچ ایبل نہیں، خیبرپختونخوا حکومت نے پیپلز پارٹی کے کارکنان کو نشانہ بنایا۔ تحریک انصاف جیسا کرے گی ویسا بھرے گی۔ اگر بانی پی ٹی آئی کے بچوں کے پاس پاکستانی شہریت نہیں تو برطانوی ہائی کمیشن کو دیکھنا پڑے گا۔ گورنر خیبرپختونخوا فیصل کریم کنڈی کا مزید کہنا تھا کہ بانی پی ٹی آئی کے بچوں کو استثنی حاصل نہیں، اگر پاکستانی شہریوں پر برطانیہ میں برطانوی قانون لاگو ہوگا تو برطانیہ کے شہریوں پر بھی پاکستان میں پاکستانی قانون لاگو ہوگا۔ بانی پی ٹی آئی کے بچے قانون کو ہاتھ میں لیں گے تو گرفتار ہوں گے۔
بانی پی ٹی آئی کے بچے قانون ہاتھ میں لیں گے تو گرفتار کیا جائے گا،فیصل کریم کنڈی
