عالمی یوم مزدور یکم مئی کو منایا جائیگا،وفاقی حکومت کا ملک بھر میں عام تعطیل کا اعلان

اسلام آباد (آئی این پی) پاکستان سمیت دنیا بھر میں عالمی یوم مزدور آج یکم مئی(بدھ کو) منایا جائیگا۔وفاقی حکومت کی جانب ملک بھر میں عام تعطیل کا اعلان کیا گیا ہے اس کے منانے کا مقصد مزدور طبقہ کےساتھ اظہار یکجہتی، ان کے مسائل کے خاتمہ اور سہولیات کی فراہمی کے حوالہ سے شعور اجاگر کرنا ہے۔ انٹر نیشنل لیبر آرگنائزیشن کے زیر اہتمام مزدور طبقہ کے مسائل کے تدارک کیلئے کوششیں جاری ہیں۔واضح رہے کہ 1889 میں ریمنڈ لیوین کی تجویز پر 1890میں پہلی مرتبہ یکم مئی کو یکم مزدور منانے کا اعلان کیا گیا تھا، جس کے بعد ہر سال دنیا بھر یہ دن منایا جاتا ہے۔حکومت پاکستان یکم مئی 1972کو پہلی مرتبہ باضابطہ طور پر سرکاری سطح پر یکم مئی کو محنت کشوں کا دن قرار دیا تھا، جس کے بعد ہر سال یکم مئی کو ملک بھر عام تعطیل کی جاتی اور پاکستان کے تمام محنت کش فیصل آباد سمیت دنیا بھر کے محنت کشوں سےمل کر مزدور طبقہ کی جدوجہد کو کامیاب بنانے کیلئے 1886کو شکاگو میں اپنی جانوں کا نذرانہ پیش کرنے والوں کو خراج عقیدت پیش کرتے ہیں۔عالمی یوم مزدور کے موقع پر فیصل آباد سمیت ملک بھر میں سرکاری، نجی اور غیر منافع بخش اداروں کے زیر اہتمام مختلف تقریبات،سیمینارز، ریلیوں، جلسوں،جلوسوں اور واک کا اہتمام کیا جائیگا۔ دریں اثناءوفاقی حکومت نے یوم مزدور کے موقع پر کل یکم مئی بروز بدھ کو ملک بھر میں عام تعطیل کا اعلان کر دیا۔اس موقع پر مزدوروں کی خدمات کو خراج تحسین پیش کرنے کیلئے ملک بھر میں تمام سرکاری و نجی دفاتر، تعلیمی ادارے اور مارکیٹیں بند رہیں گی۔ اس کے علاوہ بینک دولت پاکستان سمیت دیگر بینک بھی عام تعطیل کے باعث بند رہیں گے