سپریم کورٹ نے پی ٹی سی ایل کے سابقہ ملازمین کو پینشن کا مکمل حقدار قرار دے دیا۔
سپریم کورٹ کے 3 رکنی بینچ نے پی ٹی سی ایل ملازمین کے پینشن کیس میں 200 سے زائد اپلیوں پر تفصیلی فیصلہ جاری کردیا۔
چیف جسٹس پاکستان یحییٰ آفریدی اور جسٹس امین الدین نے پینشرز کے حق میں فیصلہ دیا جب کہ انہوں نے جسٹس عائشہ کے فیصلے سے اختلاف کیا۔
عدالت نےاپنے فیصلے میں پی ٹی سی ایل کے سابقہ ملازمین کو پینشن کا مکمل حقدار قرار دیتے ہوئے کہا کہ ادارے کو مالی مسائل پینشن کی ادائیگی سے بری الذمہ نہیں کرتے۔
عدالت نے حکم دیا کہ پی ٹی سی ایل پینشنرز کو 90 دن میں ادائیگی کا شیڈول مرتب کرے، ادائیگیوں کا عمل شفاف ہو تاکہ متاثرہ پینشنرز کے جائز مطالبات کا ازالہ کیا جا سکے، پینشن پر نظر ثانی وفاقی حکومت کے مطابق کی جائے۔
