کراچی (آئی ا ین پی) معروف میزبان ندا یاسر نے حالیہ بھارتی حملوں پر سخت موقف اختیار کرتے ہوئے بھارت کی بزدلی پر شدید تنقید کی ہے۔ ندا یاسر نے اپنے مارننگ شو میں پاکستان آرمی کے ساتھ اپنی محبت اور یکجہتی کا بھرپور اظہار کیا۔ندا یاسر نے شو کے دوران کہا ہمیں ان مشکل حالات میں بھی حوصلہ نہیں ہارنا چاہیے، بھارت ہمیشہ پیٹھ پیچھے سے وار کرتا ہے، رات کی تاریکی میں حملہ کرنا اس کی فطرت ہے، اس بار بھی اس نے معصوم شہریوں کو نشانہ بنایا۔انہوں نے مزید کہا کہ ہماری پاک فوج بھرپور اور موثر جواب دے رہی ہے، اس بہیمانہ حملے میں بچوں سمیت کئی قیمتی جانیں ضائع ہوئیں، ہماری دعائیں اپنی بہادر فوج اور ان شہدا کے ساتھ ہیں جنہوں نے وطن کے لیے قربانیاں دیں
ندا یاسر کی بھارت کی بزدلی پر شدید تنقید، پاک فوج سے اظہار یکجہتی
