ڈیرہ اسماعیل خان کے علاقے درازندہ میں شیرانی قوم کے مشیران و عمائدین نے پاک فوج و سیکورٹی فورسز اور ان کے شہدا کی لازوال قربانیوں کو زبردست خراج تحسین پیش کرتے ہوئے علاقائی امن کے قیام اور فتنہ الخوارج کے خاتمے کیلئے پاک فوج کا مکمل ساتھ دینے کا اعلان کر دیا۔ پاک فوج کے تعاون سے منعقدہ شیرانی قوم کے مشیران و عمائدین کے گرینڈ امن جرگہ میںمشران نے متفقہ طور پرفتنہ الخوارج اور شر پسند عناصر کی روک تھام اور اس سلسلے میں حکام کے ساتھ مکمل تعاون کی بھی یقین دہانی کرائی، اس موقع پر مشران، عمائدین، علما اور مشائخ کرام نے علاقے میں تعلیم، صحت خصوصا بچیوں کی تعلیم کے حوالے سے کی جانے والی کاوشوں پر پاک فوج کا شکریہ ادا کیا۔گرینڈ امن جرگہ میں شیرانی قوم کے مشران، عمائدین علما کرام، سمیت اساتذہ کرام و دیگر مکاتب فکر کے لوگوں نے بڑی تعداد میں شرکت کی۔درازندہ میں مقامی بریگیڈ کمانڈر نے خصوصی طور پر جرگہ میں شرکت کی۔
شیرانی قوم خوارج کیخلاف پاک فوج کیساتھ کھڑی ہوگئی
