اسلام آباد(آئی این پی )سپریم کورٹ بار ایسوسی ایشن کے صدر اور آئی ایم ایف وفد کے درمیان ملاقات موخر ہوگئی۔ذرائع کے مطابق سپریم کورٹ بار ایسوسی ایشن کے صدر میاں رﺅف عطا کی عدم دستیابی کے باعث ملاقات موخر کی گئی۔سپریم کورٹ بار ایسوسی ایشن اور آئی ایم ایف وفد کے درمیان ملاقات ری شیڈول ہوگئی، صدر بار ایسوسی ایشن میاں محمد رﺅف عطا نے کہا کہ ملاقات اب پیر کے روز ساڑھے نو بجے ہوگی۔یاد رہے کہ گزشتہ روز آئی ایم ایف کی ای میل سپریم کورٹ بار کو موصول ہوئی جس میں آئی ایم ایف مشن نے بار رہنماﺅں سے ملاقات کی خواہش کا اظہار کیا۔صدر سپریم کورٹ بار نے ملاقات کی دعوت قبول کی، آئی ایم ایف مشن عدالتی استعداد کار اور دیگر امور پر بات کرنا چاہتا ہے۔
آئی ایم ایف وفد کی سپریم کورٹ بار کے صدر سے ملاقات موخر ہوگئی
