پاکستان میں ایسے سڑکیں نہیں بنا کرتیں کہ کہا اوربنا دی، مفتاح اسماعیل

اسلام آباد (آئی این پی )عوام پاکستان پارٹی سیکریٹری جنرل اور سابق وزیر خزانہ مفتاح اسماعیل نے کہا ہے کہ پاکستان میں ایسے سڑکیں نہیں بنا کرتیں کہ کہا اوربنا دی۔ بلوچستان کے لیے آپ کو فنڈز چاہئیں ہیں،تیل سستا ہوا تو امپورٹ بل کم ہو گیا، کرنٹ اکاﺅنٹ سرپلس پر خوشیاں منانے والی کیا بات ہے؟۔ایک انٹرویو میں مفتاح اسماعیل نے کہا ہے کہ جی ٹی روڈ کے آس پاس سڑکیں بنانے کے بہت پیسے ہوتے ہیں، بلوچستان کے لیے آپ کو فنڈز چاہئیں ہیں۔مفتاح اسماعیل نے کہا کہ پٹرول سے بچنے والے پیسے بجٹ فنڈز میں جائیں گے، کیوں کہ حکومت ٹیکس جمع کرانے میں ناکام رہی اسی لیے پٹرولیم لیوی بڑھائی۔ حکومت سپورٹ پرائس نہیں دے رہی تو ایکسپورٹ کی اجازت دے۔ایک سوال کے جواب میں انہوں نے کہا کہ ذخیرہ اندوز سستی گندم خرید کر ہمیں مہنگی بیچیں گے اور کسان دیکھتے رہ جائیں گے، حکومت کسانوں کی بجائے سرمایہ کاروں کی مدد کر رہی ہے جو کسانوں سے سستی گندم خرید کر مہنگی بیچیں گے۔مفتاح اسماعیل نے کہا کہ حالات سازگار ہیں لیکن پھر بھی حکومت اپنی شاہ خرچی کی روش نہیں بدل رہی، عوام کے لیے حالات نہیں بدل رہے ہیں۔ انکا کہنا تھا کہ آئی ایم ایف سے جو وعدے کیے تھے پورے نہیں کیے، کوئی ایک اصلاحات کا بل حکومت نہیں لائی، تیل سستا ہو تو امپورٹ بل کم ہو گیا، کرنٹ اکاﺅنٹ سرپلس پر خوشیاں منانے والی کیا بات ہے؟