امیر جماعت اسلامی حافظ نعیم الرحمان کا دورہ ایران، حافظ نعیم الرحمان کا سرکاری حکام سے ملاقاتوں کا سلسلہ شروع ہو گیا۔ایرانی وزیر خارجہ سید عباس عراقچی سے امیر جماعت اسلامی حافظ نعیم الرحمان کی ملاقات ہوئی، ایرانی وزیر خارجہ نے کہا کہ مغرب ایران کو فلسطین کی حمایت کی سزا دے رہا ہے، جنگ کے بعد ایران ہاکستان مزید قریب آگئے۔سید عباس عراقچی نے کہا کہ اسرائیل کا وجود پورے عالم اسلام کے امن کے لئے خطرہ ہے، ایرانی وزیرخارجہ نے فلسطین اور ایران کے حق میں مظاہرے کرنے پر جماعت اسلامی کا شکریہ ادا کیا۔اس موقع پر دونوں رہنماؤں نے دوطرفہ تعلقات، غزہ کی صورتحال اور باہمی دلچسپی کے امور پر تبادلہ خیال کیا۔حافظ نعیم الرحمان نے کہا کہ پاکستان، ایران یک جان دو قالب ہیں، دونوں ممالک دوستانہ تعلقات کے نئے دور کا آغاز کریں، ایران کی حکومت اور عوام سے اظہار یکجہتی کے لئے یہاں آئے ہیں۔امیر جماعت اسلامی نے کہا کہ پاکستانی قوم شیعہ سنی کی تقسیم سے بالا تر ہو کر سوچتی ہے، جماعت اسلامی دونوں ممالک کے تعلقات کے فروغ اور اتحاد امت کے لئے کردار ادا کرتی رہے گی۔انہوں نے کہا کہ اسلام آباد اور تہران کو امن ، بھائی چارے، معیشت میں بہتری کے اقدامات لینا ہوں گے۔
امیر جماعت اسلامی کا دورہ ایرانی، وزیر خارجہ سے ملاقات
