لاہور(آئی این پی )وزیراعلی پنجاب مریم نواز شریف نے کہا ہے کہ جھیلیں ہماری ثقافت، سیاحت اور ماحول کی شناخت ہیں، پنجاب کی جھیلوں کو سیاحت کے مراکز بنا رہے ہیں۔جھیلوں کے عالمی دن پر اپنے پیغام میں وزیرِاعلی مریم نواز شریف کا کہنا تھا کہ جھیلیں قدرت کا حسن اور حیاتیاتی زندگی کا استعارہ ہیں، جھیلیں پانی، حیاتیاتی تنوع اور ماحول کی ضامن ہیں۔انہوں نے کہا کہ خوشاب، کلرکہار اور دیگر علاقوں کی قدرتی جھیلوں کو محفوظ اور اپ گریڈ کیا جا رہا ہے۔مریم نواز کا مزید کہنا تھا کہ جھیلوں کا قدرتی ماحول محفوظ رکھنا اولین ترجیح ہے، پنجاب سیاحتی ترقی اور قدرتی توازن کے ساتھ آگے بڑھ رہا ہے، بہتر مستقبل کیلئے جھیلوں کو محفوظ رکھنا ہم سب کی ذمہ داری ہے۔
پنجاب کی جھیلوں کو سیاحت کے مراکز بنا رہے ہیں، مریم نواز
